കോട്ടയം: മുക്കുപണ്ടം പണയം വെച്ചു തട്ടിപ്പ് നടത്തിയ കേസുകളില് 20വര്ഷമായി ഒളിവില്കഴിഞ്ഞിരുന്ന പ്രതി പൂര്വ വിദ്യാര്ത്ഥി സംഗമത്തിന് എത്തിയെന്ന വിവരത്തെ പിന്തുടര്ന്ന് പൊലീസ് നടത്തിയ അന്വേഷണത്തില് പിടിയിലായി. കുമാരനല്ലൂര് ഫാത്തിമ മന്സിലില് സുധീര് ആണ് വാകത്താനം പോലീസിന്റെ പിടിയിലായത്.
എസ്.എസ്.എല്.സി പൂര്വ വിദ്യാര്ത്ഥി സംഗമത്തിന് ഇയാള് കോട്ടയത്തെത്തിയിരുന്നുവെന്നാണ് പൊലീസിന് വിവരം ലഭിച്ചത്.തുടര്ന്ന് അന്വേഷണം നടത്തിയപ്പോള് നെല്ലിയാമ്പതിയില് വെച്ച് അപകടം ഉണ്ടായെന്നും ഗുരുതരമായി പരിക്കേറ്റ് തൃശൂര് മെഡിക്കല് കോളേജിലും തുടര്ന്ന് കോട്ടയം മെഡിക്കല് കോളേജിലും ചികില്സയിലാണെന്നും മനസിലായി. ചികില്സ തീരുംവരെ കാത്തിരുന്ന പൊലീസ് കുമാരനല്ലൂര് ഭാഗത്തുനിന്നാണ് ഇയാളെ കസ്റ്റഡിയിലെടുത്തത്. തുടര്ന്ന് ചങ്ങനാശ്ശേരി ജുഡിഷ്യല് മജിസ്ട്രേറ്റ് കോടതിയില് ഹാജരാക്കി
പലയിടങ്ങളിലും ഇയാള്ക്കെതിരെ സമാനമായ കേസുകളില് വാറണ്ട് നിലവിലുണ്ടെന്ന് പൊലീസ് പറഞ്ഞു.
