മുംബൈ: ദാമ്പത്യ ജീവിതത്തില്‍ നേരിടേണ്ടി വന്ന പീഡനങ്ങള്‍ക്ക് പ്രതിമാസം 10 ലക്ഷം രൂപ ജീവനാംശവും 50 കോടി രൂപ നഷ്ടപരിഹാരവും ആവശ്യപ്പെട്ട് ഓസ്ട്രിയന്‍ വംശജനും ബിസിനസുകാരനുമായ ഭര്‍ത്താവ് പീറ്റര്‍ ഹാഗിനെതിരെ ബോളിവുഡ് നടിയും മുന്‍ മിസ് യൂണിവേഴ്‌സ് റണ്ണര്‍അപ്പുമായ സെലീന ജെയ്റ്റ്ലി അന്ധേരിയിലെ ജുഡീഷ്യല്‍ മജിസ്ട്രേറ്റിന് മുമ്പാകെ പരാതി നല്‍കി. നിരവധി തവണ താന്‍ ലൈംഗികമായി പീഡിപ്പിക്കപ്പെട്ടതായി നടി ആരോപിക്കുന്നു. കോടതി ഹാഗിന് ഗാര്‍ഹിക പീഡന നിയമപ്രകാരം നോട്ടീസ് അയച്ചു. ഡിസംബര്‍ 12 ന് വാദം കേള്‍ക്കും.
മുംബൈയില്‍ വെച്ച് ഹിന്ദു ആചാരപ്രകാരം വിവാഹം കഴിച്ചിരുന്നുവെങ്കിലും 2010 ല്‍ വിവാഹം ഓസ്ട്രിയയില്‍ രജിസ്റ്റര്‍ ചെയ്തു. വര്‍ഷങ്ങളായുള്ള പീഡനം മൂലം ഒക്ടോബര്‍ 11-ന് ഓസ്ട്രിയയിലെ വീട്ടില്‍ നിന്ന് മൂന്ന് കുട്ടികളെ ഉപേക്ഷിച്ച് ഇന്ത്യയിലേക്ക് മടങ്ങാന്‍ നിര്‍ബന്ധിതയായി. കുട്ടികളുമായി സംസാരിക്കാന്‍ പോലും അനുവദിക്കുന്നില്ല. വിവാഹത്തിന് മുമ്പ് ഹാഗ് തന്റെ കുടുംബത്തില്‍ നിന്ന് വിലയേറിയ സമ്മാനങ്ങള്‍ ആവശ്യപ്പെട്ടിരുന്നു. വിവാഹശേഷം അഭിനയ ജീവിതം ഉപേക്ഷി ക്കേണ്ടിവന്നു. ഇറ്റലിയിലെ ഹണിമൂണിലും മുംബൈയിലെ വസതിയിലും 2012 ല്‍ ഇരട്ടകള്‍ക്ക് ജന്മം നല്‍കിയ സമയത്തും പീഡനങ്ങള്‍ ഉണ്ടായതായും ഹര്‍ജിയില്‍ ആരോപിച്ചിട്ടുണ്ട്.
ഭര്‍ത്താവ് ലൈംഗികമായും പീഡിപ്പിച്ചു, 50 കോടി രൂപ നഷ്ടപരിഹാരം ആവശ്യപ്പെട്ട് നടി സെലീന ജെയ്റ്റ്ലി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.