ബെംഗളൂരു: ഷീ-ബോക്സില് രജിസ്റ്റര് ചെയ്യണമെന്ന സര്ക്കാര് ഉത്തരവും സുപ്രീം കോടതി നിര്ദ്ദേശവും പാലിക്കാത്ത ഒട്ടേറെ സ്ഥാപനങ്ങള് സംസ്ഥാനത്തുണ്ടെന്ന് സമ്മതിച്ച് കര്ണാടകയിലെ തൊഴില് വകുപ്പ് പ്രിന്സിപ്പല് സെക്രട്ടറി. ജോലിസ്ഥലത്തെ ലൈംഗിക പീഡന പരാതികള് കൈകാര്യം ചെയ്യുന്നതിനുള്ള കേന്ദ്ര സര്ക്കാരിന്റെ പോര്ട്ടലാണ് ഷീബോക്സ്. രജിസ്റ്റര് ചെയ്യാന് അനുവദിച്ച സമയപരിധി കഴിഞ്ഞിട്ടും സ്ഥാപനങ്ങള് വഴങ്ങുന്നില്ലെന്നാണ് കര്ണ്ണാടക തൊഴില് വകുപ്പ് പ്രിന്സിപ്പല് സെക്രട്ടറി മുഹമ്മദ് മൊഹ്സിന് ഒരു മാധ്യമത്തോട് വെളിപ്പെടുത്തിയത്. നിര്ദ്ദേശം നടപ്പാക്കുന്നതിനായി ലേബര് ഓഫീസ് വനിതാ-ശിശു വികസന വകുപ്പുമായി സഹകരിച്ച് പ്രവര്ത്തിക്കുന്നുണ്ട്. ‘പലയിടത്തും ആഭ്യന്തര പരാതി സമിതികള് ഉണ്ടെങ്കിലും, ഭൂരിപക്ഷവും ഷീ-ബോക്സില് വിശദാംശങ്ങള് അപ്ലോഡ് ചെയ്തിട്ടില്ല. അദ്ദേഹം പറഞ്ഞു.
ജോലിസ്ഥലത്തെ ലൈംഗിക പീഡനവുമായി ബന്ധപ്പെട്ട പരാതികള് രജിസ്റ്റര് ചെയ്യുന്നതിന് കേന്ദ്രസര്ക്കാര് തുറന്നിട്ടുള്ള ഏകജാലകസംവിധാനമാണ് ഷീ ബോക്സ്. ജോലിസ്ഥലത്ത് ലൈംഗിക പീഡനം നേരിടുന്ന ഏതൊരു സ്ത്രീക്കും പോര്ട്ടല് വഴി പരാതി നല്കാം.
ലൈംഗിക പീഡന പരാതികള് ആവര്ത്തിച്ചിട്ടും ഷീ-ബോക്സില് രജിസ്റ്റര് ചെയ്യാതെ കര്ണ്ണാടകയിലെ കമ്പനികള്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.