കൊച്ചി : ഗുരുവായൂര് ക്ഷേത്രത്തിലെ ദര്ശന സമയം വര്ദ്ധിപ്പിക്കുന്ന കാര്യം ആലോചിക്കണമെന്ന് ഹൈക്കോടതി നിര്ദ്ദേശം. തന്ത്രിയുമായി കൂടിയാലോചന നടത്തി തീരുമാനമെടുക്കണം.
ക്യൂ സംവിധാനത്തില് ശാസ്ത്രീയ പരിഷ്കാരങ്ങള് വരുത്തണം. ഇപ്പോഴത്തെ രീതി പ്രായമായവര്ക്കും സ്ത്രീകള്ക്കും കുട്ടികള്ക്കും ബുദ്ധിമുട്ടുണ്ടാക്കുന്നുവെന്ന് കോടതി ചൂണ്ടിക്കാട്ടി.
ക്ഷേത്രത്തില് സുരക്ഷിതമായി ഉള്ക്കൊളളാന് കഴിയുന്ന ഭക്തരുടെ പരമാവധി എണ്ണം കണക്കാക്കണം. ആഴ്ചയില് രണ്ട് ദിവസം ഓണ്ലൈന് ബുക്കിംഗ് നടത്തി വരുന്നവര്ക്ക് മാത്രം ദര്ശനം അനുവദിക്കണമെന്ന് കോടതി പറഞ്ഞു.
സ്പോട്ട് ബുക്കിംഗിന് തിരിച്ചറിയല് രേഖ നിര്ബന്ധമാക്കണം. പ്രായമേറിയവര്, ഭിന്നശേഷിക്കാര്, ഗര്ഭിണികള്, ശിശുക്കളോടൊപ്പമുളള അമ്മമാര് എന്നിവര്ക്ക് പ്രത്യേക പരിഗണന നല്കണമെന്നും കോടതി നിര്ദ്ദേശം നല്കി.
