ശ്രീനഗര്‍: ശ്രീ മാതാ വൈഷ്ണോദേവി മെഡിക്കല്‍ കോളെജിലെ 90 ശതമാനം സീറ്റുകളിലും കശ്മീരിലെ മുസ്ലിം വിദ്യാര്‍ത്ഥികള്‍ അഡ്മിഷന്‍ നേടിയതോടെ ആശങ്ക. കശ്മീരിലെ കത്രയിലെ ഈ മെഡിക്കല്‍ കോളെജ് മറ്റൊരു ഭീകരവാദകേന്ദ്രമായി മാറുമോ എന്ന ഭയം ഉയരുന്നു. ഹരിയാനയിലെ ഫരീദാബാദിലെ ധൗജിലുള്ള അല്‍ ഫലാ കോളെജിലെ ഡോക്ടര്‍മാരുടെ ഭീകരസംഘം വാര്‍ത്തയായതോടെയാണ് പ്രശ്നമായത്. അല്‍ഫലാ കോളെജില്‍ ഭീകരവാദത്തിന് നേതൃത്വം നല്‍കിയത് കശ്മീരില്‍ നിന്നുള്ള മെഡിക്കല്‍ വിദ്യാര്‍ത്ഥികളാണ്.
ഹരിയാനയിലെ ഫരീദാബാദിലെ ധൗജിലുള്ള അല്‍ ഫലാ കോളെജിലെ ഡോക്ടര്‍മാരുടെ ഭീകരസംഘം വാര്‍ത്തയായതോടെയാണ് ശ്രീ മാതാ വൈഷ്ണോദേവി മെഡിക്കല്‍ കോളെജിലെ 90 ശതമാനം സീറ്റുകളും കശ്മീരിലെ മുസ്ലിം വിദ്യാര്‍ത്ഥികള്‍ കയ്യടക്കിയതില്‍ ആശങ്ക ഉയര്‍ന്നത്. ഇവിടെയും ഭീകരവാദത്തിന് നേതൃത്വം നല്‍കിയത് കശ്മീരില്‍ നിന്നുള്ള മെഡിക്കല്‍ വിദ്യാര്‍ത്ഥികളാണ്. ഹരിയാനയിലെ അല്‍ ഫലാ യൂണിവേഴ്സിറ്റിയുമായി ജമ്മുകശ്മീര്‍ മെഡിക്കല്‍ കോളെജിലെ വിദ്യാര്‍ത്ഥികള്‍ക്ക് ആഴത്തിലുള്ള ബന്ധമുണ്ടായിരുന്നു.
പാക് ഭീകരസംഘടനകളുമായി സജീവബന്ധമുള്ളവരാണ് കശ്മീരില്‍ മുസ്ലിം വിദ്യാര്‍ത്ഥികളില്‍ പലരും. ഡോക്ടര്‍ ആദീല്‍ റാദര്‍, അദ്ദേഹത്തിന്റെ സഹോദരന്‍ ഡോക്ടര്‍ മുസഫര്‍ അഹമ്മദ് റാദര്‍ എന്നീ കശ്മീരിലെ പുല്‍വാമയില്‍ നിന്നുള്ള ഡോക്ടര്‍മാരായിരുന്നു ഹരിയാനയിലെ അല്‍ഫലാ മെഡിക്കല്‍ കോളെജിലെ ഡോക്ടര്‍മാരെ മതമൗലികവാദികളാക്കി മാറ്റിയത്. തുടര്‍ന്ന് ഉമര്‍ നബി, ഡോക്ടര്‍ ഷാഹിന്‍ ഷഹീദ്, ഡോക്ടര്‍ മുസമ്മല്‍ തുടങ്ങിയവരും ഡോക്ടര്‍മാരായ ഭീകരരുടെ സംഘത്തില്‍ എത്തിച്ചേര്‍ന്നു. ഇതേ വിധി വൈഷ്ണോദേവി ക്ഷേത്രത്തിലേക്ക് ഭക്തര്‍ നല്കുന്ന സംഭാവനകളില്‍ നിന്നും കെട്ടിപ്പൊക്കിയ മെഡിക്കല്‍ കോളെജിന് ഉണ്ടാകുമോ എന്ന ഭീതി പലരിലും ഉണ്ട്.
ശ്രീ മാതാ വൈഷ്ണോദേവി ക്ഷേത്രത്തിലെ ആദ്യ ബാച്ചിലാണ് ഇത്രയ്‌ക്കധികം കശ്മീര്‍ മുസ്ലിം വിദ്യാര്‍ത്ഥികള്‍ പ്രവേശനം നേടിയെടുത്തിരിക്കുന്നത്. മാതാ വൈഷ്ണോദേവി ക്ഷേത്രത്തിലേക്ക് നല്കുന്ന സംഭാവനത്തുക ഉപയോഗിച്ചാണ് ഈ മെഡിക്കല്‍ കോളെജ് പണിതത്. എന്നിട്ടും ഇവിടുത്തെ സീറ്റുകളില്‍ 90 ശതമാനവും കശ്മീരിലെ മുസ്ലിംവിദ്യാര്‍ത്ഥികള്‍ കയ്യടക്കിയതില്‍ ആശങ്ക ഉയരുന്നു.
മാനേജ്മെന്‍റിന്റെ ഈ നടപടിക്കെതിരെ വിഎച്ച്പി, ബജ്രംഗ് ദള്‍ പ്രവര്‍ത്തകര്‍ പ്രതിഷേധിച്ചു. ക്ഷേത്രത്തിലെ ഫണ്ട് ഉപയോഗിച്ച് പണിത മെഡിക്കല്‍ കോളെജില്‍ ഇത്രയ്‌ക്കധികം കശ്മീര്‍ മുസ്ലിങ്ങളെ പ്രവേശിപ്പിച്ച നടപടി പ്രതിഷേധാര്‍ഹമാണെന്ന് ബിജെപി ഉദംപൂര്‍ എംഎല്‍എ ആര്‍.എസ്. പതാനിയ വിമര്‍ശിച്ചു. ഈ പ്രവേശന ലിസ്റ്റ് റദ്ദാക്കണമെന്നും അദ്ദേഹം ആവശ്യപ്പെട്ടു.
