ന്യൂഡൽഹി : ഇന്ത്യയ്‌ക്കുവേണ്ടി നിർഭയമായ തീരുമാനങ്ങൾ എടുക്കാൻ തനിക്ക് പ്രചോദനം ലഭിച്ചത് മുത്തശ്ശി ഇന്ദിരാഗാന്ധിയിൽ നിന്നാണെന്ന് കോൺഗ്രസ് നേതാവ് രാഹുൽ ഗാന്ധി . ഇന്ദിരയുടെ ധൈര്യവും, ദേശസ്‌നേഹവും, ധാർമ്മികതയും അനീതിക്കെതിരെ ഉറച്ചുനിൽക്കാൻ തന്നെ പ്രചോദിപ്പിക്കുന്നുവെന്നും രാഹുൽ ഗാന്ധി .
“ഇന്ത്യയ്‌ക്കുവേണ്ടി നിർഭയമായ തീരുമാനങ്ങൾ എടുക്കാനും എല്ലാ സാഹചര്യങ്ങളിലും ദേശീയ താൽപ്പര്യങ്ങൾക്ക് പ്രഥമ സ്ഥാനം നൽകാനും എനിക്ക് പ്രചോദനം ലഭിച്ചത് എന്റെ മുത്തശ്ശിയിൽ നിന്നാണ്. അവരുടെ ധൈര്യവും, ദേശസ്‌നേഹവും, ധാർമ്മികതയും അനീതിക്കെതിരെ ഉറച്ചുനിൽക്കാൻ എന്നെ പ്രചോദിപ്പിക്കുന്നത് തുടരുന്നു“ എന്നാണ് രാഹുൽ ഇന്ദിരയുടെ ജന്മവാർഷിക ദിനത്തിൽ പറഞ്ഞത്.
അചഞ്ചലമായ ദൃഢനിശ്ചയത്തിലൂടെയും ധീരമായ നേതൃത്വത്തിലൂടെയും ഇന്ദിരാഗാന്ധി ഇന്ത്യയുടെ കാർഷിക സ്വയംപര്യാപ്തത വിജയകരമായി സുരക്ഷിതമാക്കി, ബംഗ്ലാദേശിനെ മോചിപ്പിച്ചു, രാജ്യത്തിന്റെ താൽപ്പര്യങ്ങൾ സംരക്ഷിക്കുന്നതിനായി ലോകശക്തികളെ നേരിട്ട് വെല്ലുവിളിച്ചു – എന്നാണ് കോൺഗ്രസ് പാർട്ടിയുടെ പോസ്റ്റ്.
