തിരുവനന്തപുരം:ശബരിമല സ്വര്ണക്കൊള്ളയുടെ മുഖ്യ ആസൂത്രകന് ദേവസ്വം ബോര്ഡ് മുന് പ്രസിഡന്റും സി പി എം പത്തനംതിട്ട ജില്ലാ കമ്മിറ്റി അംഗവും മുന് എം എല് എയുമായ എ പത്മകുമാറാണെന്നാണ് പ്രത്യേക അന്വേഷണ സംഘത്തിന്റെ കണ്ടെത്തല്. ഈ പശ്ചാത്തലത്തിലാണ് അറസ്റ്റ്.
സ്വര്ണക്കൊള്ളയില് പത്മകുമാര് സാമ്പത്തിക നേട്ടമുണ്ടാക്കിയെന്നാണ് കണ്ടെത്തല്. ഉണ്ണികൃഷ്ണന് പോറ്റിയുമായി ഗൂഢാലോചന നടത്തിയത് പത്മകുമാറാണെന്ന് പ്രത്യേക അന്വേഷണ സംഘം പറയുന്നു.. ഉണ്ണികൃഷ്ണന് പോറ്റി പത്മകുമാറിന്റെ വീട്ടിലെത്തി ഗൂഢാലോചന നടത്തി. ഇതിന്റെ തെളിവും എസ്ഐടി ശേഖരിച്ചിട്ടുണ്ട്. എ.പത്മകുമാറിന്റെ സംസ്ഥാനത്തിന് പുറത്തേക്കുളള യാത്രകളിലും എസ്ഐടി തെളിവ് ശേഖരിച്ചു.
എ പത്മകുമാര് പ്രത്യേക അന്വേഷണ സംഘത്തിന് മുന്നില് വ്യാഴാഴ്ച രാവിലെ ചോദ്യം ചെയ്യലിന് ഹാജരായിരുന്നു. തിരുവനന്തപുരത്തെ രഹസ്യ കേന്ദ്രത്തിലായിരുന്നു ചോദ്യം ചെയ്യല്. എസ്ഐടി തലവന് എസ്പി ശശിധരന്റെ നേതൃത്വത്തിലാണ് ചോദ്യം ചെയ്തത്്. പിന്നാലെ ഉച്ച തിരിഞ്ഞ് മൂന്ന് മണിയോടെയായിരുന്നു അറസ്റ്റ്.
42 വര്ഷമായി സി പി എം ജില്ലാ കമ്മിറ്റി അംഗമാണ് എ പത്മകുമാര്. 32 വര്ഷം ജില്ലാ സെക്രട്ടറിയേറ്റ് അംഗമായി പ്രവര്ത്തിച്ചു.കഴിഞ്ഞ സംസ്ഥാന സമ്മേളനത്തില് മന്ത്രി വീണ ജോര്ജിനെ ക്ഷണിതാവാക്കിയതിനെ വിമര്ശിച്ച് ഫേസ്ബുക്ക് പോസ്റ്റിട്ടു. ഈ വിവാദത്തിന് ശേഷം ജില്ലാ സെക്രട്ടറിയേറ്റില് ഉള്പ്പെടുത്തിയില്ല.
ശബരിമല യുവതി പ്രവേശന കാലത്ത്, തന്റെ വീട്ടില് നിന്ന് സ്ത്രീകള് ശബരിമലയിലേക്ക് പോകില്ല എന്ന് പറഞ്ഞ് സര്ക്കാര് നയത്തിനെതിരെ നിലപാടെടുത്തിരുന്നു.
