തൃശൂര്: അനാശാസ്യ കേന്ദ്രത്തില് ക്രൂരമര്ദ്ദനമേറ്റ് ഒരാള് കൊല്ലപ്പെട്ട സംഭവത്തില് മുഖ്യപ്രതി പിടിയില്. അസം സ്വദേശി നൂര് ആലമിനെയാണ് പിടികൂടിയത്.
ഈസ്റ്റ് സി.ഐ.യുടെ നേതൃത്വത്തിലുള്ള അന്വേഷണസംഘം അസമില് നിന്നാണ് നൂര് ആലമിനെ പിടികൂടിയത്. ഒഡീഷ സ്വദേശി ധന്പത് നായ്ക് ആണ് കൊല്ലപ്പെട്ടത്. കേസില് രണ്ടു സ്ത്രീകളെയും നാലു പുരുഷന്മാരെയും അടക്കം ആറുപേരെ നേരത്തെ അറസ്റ്റ് ചെയ്തിരുന്നു.
ഇക്കഴിഞ്ഞ 18ന് രാത്രി 10 മണിയോടെയാണ് സംഭവം.തൃശൂര് നഗരത്തിലെ കോരപ്പത്ത് ലൈനിലുള്ള വാടകവീട്ടില് പ്രവര്ത്തിച്ചിരുന്ന അനാശാസ്യ കേന്ദ്രത്തില്, കൊല്ലപ്പെട്ട ധന്പത് നായ്ക്കും സുഹൃത്തും എത്തി ലൈംഗികബന്ധത്തില് ഏര്പ്പെട്ട ശേഷം സര്വീസ് മോശമാണെന്ന് പറഞ്ഞ് പണത്തെ ചൊല്ലി തര്ക്കമായി.അനാശാസ്യ കേന്ദ്രം നടത്തിപ്പുകാരുമായി ഉണ്ടായ വാക്കേറ്റം സംഘര്ഷമായി. ധന്പത് നായിക്കിന് ക്രൂര മര്ദ്ദനമേറ്റു.ചികിത്സയിലിരിക്കെ തൃശൂര് മെഡിക്കല് കോളേജില് വച്ചാണ് മരിച്ചത്. സംഭവത്തിനുശേഷം അസമിലേക്ക് കടന്ന മുഖ്യപ്രതി നൂര് ആലം ആണ് പിടിയിലായത്. ഈ കേസില് അറസ്റ്റിലായവരുടെ എണ്ണം ഏഴായി.
