സംപൂജ്യരായില്ലല്ലോ എന്ന് ആശ്വസിക്കേണ്ട സമയത്തും സന്ദീപിന്റെ ഗീർവാണത്തിന് കുറവില്ല;ലക്ഷ്യം കാണുന്നതുവരെ പോരാട്ടം തുടരുമെന്നും വാര്യരുടെ വീരവാദം

കൊച്ചി : ബിഹാറിൽ ചരിത്രത്തിലെ ഏറ്റവും വലിയ തോൽവി രുചിച്ചറിഞ്ഞിട്ടും കോൺഗ്രസുകാരുടെ അഹങ്കാരത്തിന് ഒരു കുറവുമില്ല. എൻഡിഎ സഖ്യത്തിന് മുന്നിൽ അതി ദയനീയ പരാജയമാണ് മഹാസഖ്യം ഏറ്റുവാങ്ങിയത്. അതിൽ കോൺഗ്രസിനാകട്ടെ സംപൂജ്യരാകാനുള്ള അവസരം കഷ്ടിയാണ് നഷ്ടപ്പെട്ടത്. കോൺഗ്രസിന്റെ പരാജയത്തെ ന്യായീകരിച്ച് രംഗത്തെത്തിയിരിക്കുകയാണ് മറുകണ്ടം ചാടിയ പാർട്ടി നേതാവ് സന്ദീപ് വാര്യർ.

അദ്ദേഹത്തിന്റെ ഫേസ്ബുക്ക് പോസ്റ്റ് ഇങ്ങനെ :

” We might have lost the battle but not the war.. നമ്മുടെ സ്വാതന്ത്ര്യവും ഭരണഘടനയും തുല്യതയും സംരക്ഷിക്കാനുള്ള പോരാട്ടത്തിൽ താൽക്കാലിക തിരിച്ചടി ഉണ്ടായിരിക്കാം.. എന്നാൽ ലക്ഷ്യം കാണുന്നതുവരെ കോൺഗ്രസിന്റെ പോരാട്ടം തുടരും. അന്തിമവിജയം ഇന്ത്യൻ നാഷണൽ കോൺഗ്രസിനായിരിക്കും. ഇന്ത്യക്കായിരിക്കും. ” – സന്ദീപ് ഫേസ്ബുക്കിൽ കുറിച്ചു.