കൊൽക്കത്ത : ബിഹാർ തെരഞ്ഞെടുപ്പിൽ എൻഡിഎ വലിയ വിജയത്തിലേക്ക് നീങ്ങുകയാണ്. ഇപ്പോഴത്തെ ട്രെൻഡുകൾ കാണിക്കുന്നത് എൻഡിഎ 200 സീറ്റുകളിലേക്ക് അടുക്കുന്നു എന്നാണ്. അതേസമയം പശ്ചിമ ബംഗാൾ നിയമസഭയിലെ പ്രതിപക്ഷ നേതാവും ബിജെപി നേതാവുമായ സുവേന്ദു അധികാരി ബിഹാറിലെ ബിജെപിയുടെ വിജയത്തെക്കുറിച്ച് ഒരു വലിയ പ്രസ്താവന നടത്തി.
” ഒരേ ഒരു മുദ്രാവാക്യമേയുള്ളൂ: ബിഹാറിന്റെ വിജയം നമ്മുടേതാണ്, ഇനി ബംഗാളിന്റെ ഊഴമാണ് ” – സുവേന്ദു അധികാരി പറഞ്ഞു. അദ്ദേഹത്തിന്റെ പ്രസ്താവന പശ്ചിമ ബംഗാൾ മുഖ്യമന്ത്രി മമത ബാനർജിക്കെതിരെയെന്ന് നിസംശയം പറയാനാകും. ബിഹാറിലെ ബിജെപിയുടെ ഇപ്പോഴത്തെ ഈ വിജയത്തിന്റെ പ്രചോദനവും പശ്ചിമ ബംഗാളിലെ എസ്‌ഐആർ പ്രക്രിയ പൂർണ്ണമായാൽ ബംഗാളിൽ
വരാനിരിക്കുന്ന നിയമസഭാ തെരഞ്ഞെടുപ്പുകളിൽ ബിജെപിയുടെ വിജയ സാധ്യത വർധിക്കുമെന്നതിൽ സംശയമില്ല.
ബിഹാർ തിരഞ്ഞെടുപ്പിന് മുമ്പ് തിരഞ്ഞെടുപ്പ് കമ്മീഷൻ ഒരു പ്രത്യേക തീവ്രമായ പുനരവലോകനം നടത്തിയിരുന്നു. ഈ പ്രക്രിയയിൽ വ്യാജ വോട്ടർമാരായിരുന്നവരെയും, മരിച്ചവരെയും, അല്ലെങ്കിൽ മറ്റൊരു സംസ്ഥാനത്ത് വോട്ടർമാരായി ബിഹാർ വിട്ടുപോയവരെയും വോട്ടർ പട്ടികയിൽ നിന്ന് നീക്കം ചെയ്തു. ഈ പ്രക്രിയയുടെ ഫലമായി ബീഹാറിന്റെ വോട്ടർ പട്ടികയിൽ നിന്ന് 4.7 ദശലക്ഷം വോട്ടർമാർ നീക്കം ചെയ്യപ്പെട്ടു. തുടർന്ന് പുതിയ വോട്ടർ പട്ടിക ഉപയോഗിച്ച് തിരഞ്ഞെടുപ്പ് നടന്നപ്പോൾ എൻഡിഎ വൻ വിജയം നേടി. ഇക്കാരണങ്ങളാൽ എസ്‌ഐആറിന് ശേഷം അടുത്ത വർഷം പശ്ചിമ ബംഗാളിൽ നടക്കുന്ന നിയമസഭാ തിരഞ്ഞെടുപ്പിൽ ബിജെപിക്ക് മികച്ച പ്രകടനം കാഴ്ചവയ്‌ക്കാൻ കഴിയുമെന്ന് നേതാക്കൾ പ്രതീക്ഷിക്കുന്നത്.
എസ്‌ഐആറിനെതിരെ മമത ബാനർജി
മമത ബാനർജി തുടക്കം മുതൽ തന്നെ സ്പെഷ്യൽ ഇന്റൻസീവ് റിവിഷനെ എതിർക്കുന്നുണ്ട്. എസ്‌ഐആറിന്റെ മറവിൽ പശ്ചിമ ബംഗാളിലെ ന്യൂനപക്ഷങ്ങളെ ബിജെപി ലക്ഷ്യം വയ്‌ക്കാൻ ശ്രമം നടന്നുന്നുണ്ടെന്നാണ് മമത ബാനർജി ആരോപിക്കുന്നത്. ഇതു വഴി അവരുടെ വോട്ടവകാശം കവർന്നെടുക്കാനുള്ള ശ്രമം നടക്കുന്നുവെന്നുമാണ് മമതയുടെ കള്ള പ്രചാരണം.
