ന്യൂദല്‍ഹി:കുംഭമേളയ്‌ക്ക് ഏതെല്ലാം ശബ്ദങ്ങളുണ്ടായിരുന്നു? താളമേളങ്ങളുടെ, നിശ്ശബ്ദപ്രാര്‍ത്ഥനകളുടെ, ഗംഗ ഒഴുകുന്നതിന്റെ, അമ്പലമണിയുടെ, ശംഖനാദത്തിന്റെ, മന്ത്രോച്ചാരണങ്ങളുടെ തുടങ്ങി അനേകായിരം ശബ്ദങ്ങള്‍. ഈ ശബ്ദങ്ങളെല്ലാം മനോഹരമായി ഒപ്പിയെടുത്ത സംഗീത ആല്‍ബമാണ് സൗണ്ട്സ് ഓഫ് കുംഭമേള. ഈ കുംഭമേളയുടെ ശബ്ദങ്ങള്‍ എന്ന സംഗീത ആല്‍ബത്തിന് 68ാമത് ഗ്രാമി പുരസ്കാര നാമനിര്‍ദേശം ലഭിച്ചിരിക്കുകയാണ്.
ദല്‍ഹി കേന്ദ്രമായി പ്രവര്‍ത്തിക്കുന്ന സിദ്ധാന്ത് ഭാട്ടിയ ആണ് ഈ ആല്‍ബം ഒരുക്കിയത്. ബെസ്റ്റ് ഗ്ലോബല്‍ മ്യൂസിക് ആല്‍ബം എന്ന ഭിവാഗത്തിലാണ് സൗണ്ട്സ് ഓഫ് കുംഭമേളയെ പരിഗണിച്ചിരിക്കുന്നത്. ലോകത്തിലെ ഏറ്റവും വലിയആത്മീയ ഒത്തുചേരലായ കുംഭമേളയുടെ പശ്ചാത്തലത്തില്‍ 12 മനോഹര ഗാനങ്ങളാണ് നെയ്തെടുത്തിരിക്കുന്നത്. അനുഷ്ക രവിശങ്കര്‍, ശങ്കര്‍ മഹാദേവന്റെ ശക്തി ബാന്‍റ് തുടങ്ങി അനേകരോടാണ് സൗണ്ട്സ് ഓഫ് കുംഭമേള പുരസ്കാരത്തിന് വേണ്ടി മത്സരിക്കുന്നത്.
തന്റെ ആല്‍ബത്തിന് ലഭിച്ച നാമനിര്‍ദേശം ഭാരതീയ ആത്മീയതയുടെ വിജയമാണെന്ന് സിദ്ധാന്ത് ശുക്ല പറയുന്നു.
