ഇസ്ലാമാബാദ് : പാകിസ്താനിൽ ഏറെ ആരാധകരുള്ള സോഷ്യൽ മീഡിയ താരമാണ് മുഹമ്മദ് ഷയാൻ അലി. പാക് അധികൃതരുടെ പീഡനങ്ങളെ തുടർന്നാണ് ഷയാൻ അലി രാജ്യം വിട്ടത് . പിന്നീട് അദ്ദേഹം സനാതന ധർമ്മം സ്വീകരിച്ചു.പാക് സൈന്യത്തിന്റെയും , ഐ എസ് ഐയുടെയും പീഡനങ്ങളെ തുടർന്ന് രാജ്യം വിടേണ്ടി വന്നപ്പോൾ വിഷാദാവസ്ഥയിലായ തന്റെ കൈപിടിച്ചത് ശ്രീകൃഷ്ണനായിരുന്നുവെന്നും , തനിക്ക് ഇന്ത്യയിലേയ്ക്ക് വരാൻ ആഗ്രഹമുണ്ടെന്നു അദ്ദേഹം പറഞ്ഞിരുന്നു.
ഇപ്പോൾ സനാതനധർമ്മത്തെ പറ്റി ഷയാൻ അലി ട്വിറ്ററിൽ പറഞ്ഞ വാക്കുകളാണ് വീണ്ടും ട്രെൻഡാകുന്നത് . ‘ ഞാൻ ഇന്ത്യയിൽ ജനിച്ചിട്ടില്ല .നിലവിൽ പാകിസ്ഥാന്റെ നിയമവിരുദ്ധ അധിനിവേശത്തിലുള്ള സിന്ധിൽ ജനിച്ചു. ഹിന്ദുക്കൾക്കൊപ്പം നിൽക്കാൻ നിങ്ങൾ ഇന്ത്യക്കാരനാകേണ്ടതില്ല.എന്റെ ഗീത എന്നെ പഠിപ്പിക്കുന്നത് ഓരോ വ്യക്തിയെയും അവന്റെ മതം നോക്കാതെ ബഹുമാനിക്കാനാണ്. ഞാൻ അഭിമാനിയായ ഒരു സിന്ധി ഹിന്ദുവാണ്. ‘ എന്നാണ് ഷയാൻ അലി പറയുന്നത് .
മാത്രമല്ല മംദാനി ന്യൂയോർക്കിന്റെ മേയറാകുന്നത് തന്നെ ബാധിക്കുമെന്നും , മോദി വിദേശത്ത് താമസിക്കുന്ന ഇന്ത്യൻ ഹിന്ദുക്കളെ ആഴത്തിൽ സ്വാധീനിച്ചിട്ടുണ്ടെന്നും അദ്ദേഹം പറയുന്നു.
