ലക്നൗ : വനിതാ മുസ്ലീം ജിം ട്രെയിനർ ചാന്ദ്നി ഖുറേഷി പ്രണയത്തിൽ കുടുക്കി ബ്രെയിൻ വാഷ് ചെയ്ത് മതം മാറ്റിച്ച മുഹമ്മദ് അലി തിരികെ ഹിന്ദുമതത്തിലേക്ക് . കഴിഞ്ഞ ദിവസമാണ് ആയുഷ് സ്വന്തം വീട്ടിൽ മടങ്ങി എത്തിയത്. പിന്നാലെ താൻ ഇസ്ലാം ഉപേക്ഷിക്കുകയാണെന്നും സനാതന ധർമ്മത്തിലേക്ക് മടങ്ങാൻ തീരുമാനിച്ചതായും പറയുന്ന വീഡിയോ അദ്ദേഹം പുറത്തിറക്കി.
വീഡിയോയിൽ, ആയുഷ് തന്റെ മാതാപിതാക്കളോടും ബന്ധുക്കളോടും ക്ഷമ ചോദിച്ചു. “അമ്മേ, നിങ്ങളുടെ വേദന കണ്ടിട്ട്, ഞാൻ എന്റെ സ്വന്തം ഇഷ്ടപ്രകാരം എന്റെ യഥാർത്ഥ മതമായ ഹിന്ദു ധർമ്മത്തിലേക്ക് മടങ്ങി. ദയവായി എന്നോട് ക്ഷമിക്കൂ. മാതാപിതാക്കളുടെ സ്നേഹത്തിലും പരിചരണത്തിലും ഇനി ജീവിതം ചെലവഴിക്കാൻ ആഗ്രഹിക്കുന്നുവെന്നും ‘ അദ്ദേഹം പറഞ്ഞു.
വീട്ടിലേക്ക് മടങ്ങിയ ശേഷം ആയുഷ് തന്റെ വീടിനുള്ളിലെ പൂജാമുറിയിൽ പ്രാർത്ഥന നടത്തി. വിളക്ക് കത്തിച്ചു, ഹനുമാന് തിലകം ചാർത്തി, അമ്മയുടെ കാൽക്കൽ തൊട്ട് അനുഗ്രഹം തേടി. ഷാംലി ആസ്ഥാനമായുള്ള ഔഷധ വ്യാപാരി ദേവരാജ് മാലിക്കിന്റെ ഏക മകനാണ് ആയുഷ്. ഇസ്ലാം മതം സ്വീകരിച്ച ശേഷം അദ്ദേഹം മുഹമ്മദ് അലി എന്ന് പേര് മാറ്റി. നമസ്കാരം ചെയ്യാൻ തുടങ്ങി, താടി വച്ചു, തൊപ്പി ധരിച്ചു, കുടുംബത്തോടൊപ്പം താമസിക്കുന്നത് നിർത്തി.
ഏകദേശം അഞ്ച് വർഷം മുമ്പ് ആയുഷ് ജിം ട്രെയിനർ ചാന്ദ്നി ഖുറേഷിയെ വിവാഹം കഴിച്ചു. പണവും സ്വത്തും കാരണം ചാന്ദ്നി ആയുഷിനെ മതം മാറാൻ പ്രേരിപ്പിച്ചുവെന്ന് അദ്ദേഹത്തിന്റെ കുടുംബം പറയുന്നു. മതപരിവർത്തനത്തിനുശേഷം ആയുഷ് കുടുംബത്തിൽ നിന്ന് അകന്നുവെന്നും അവർ പറഞ്ഞു.
തന്റെ മകന്റെ മതപരിവർത്തനം സ്വമേധയാ ചെയ്തതല്ലെന്നും ചിലർ ആയുഷിനെ പ്രണയക്കെണിയിൽ വീഴ്ത്തി സ്വത്തിന്റെ നിയന്ത്രണം ഏറ്റെടുക്കാൻ ആഗ്രഹിക്കുന്നുവെന്നും ദേവരാജ് മാലിക് പരാതി നൽകിയതിനെ തുടർന്നാണ് വിഷയം പോലീസിൽ എത്തിയത്.പരാതിയെത്തുടർന്ന്, സിറ്റി പോലീസ് സ്റ്റേഷനിൽ മൂന്ന് മൗലാനമാർ ഉൾപ്പെടെ 11 പേർക്കെതിരെ പോലീസ് എഫ്ഐആർ രജിസ്റ്റർ ചെയ്തു. അന്വേഷണത്തിന്റെ ഭാഗമായി, ചാന്ദ്നി ഖുറേഷിയെയും അവരുടെ പിതാവ് ഇസ്ലാം ഖുറേഷിയെയും പോലീസ് അറസ്റ്റ് ചെയ്തു. കേസിന്റെ അന്വേഷണം ഇപ്പോഴും തുടരുകയാണ്.
