തിരുവനന്തപുരം: ശബരിമല സ്വര്‍ണക്കൊള്ളയില്‍ യഥാര്‍ത്ഥ കുറ്റവാളികളിലേക്ക് തന്നെ അന്വേഷണം എത്തണമെന്ന് ബിജെപി മുന്‍ സംസ്ഥാന അധ്യക്ഷന്‍ കെ സുരേന്ദ്രന്‍. നിലവില്‍ കട്ടിളപ്പാളി കേസില്‍ എന്‍ വാസുവിനെ അറസ്റ്റ് ചെയ്തത് കേസിന്റെ പുരോഗതിയുടെ ഭാഗമായാണെന്ന് അദ്ദേഹം ചൂണ്ടിക്കാട്ടി.
എന്‍ വാസുവിന്റെ അറസ്റ്റില്‍ മാത്രം ഇത് അവസാനിച്ചാല്‍ കേസ് എങ്ങും എത്തില്ല. സര്‍ക്കാര്‍ സംവിധാനങ്ങള്‍ പറയാതെ വാസു ഒന്നും ചെയ്യില്ലെന്ന് എല്ലാവര്‍ക്കും അറിയാം .
കടകംപള്ളിയുമായുള്ള എന്‍ വാസുവിന്റെ ബന്ധം എല്ലാവര്‍ക്കും അറിയാവുന്നതാണ്. അന്വേഷണം ഇനി കടകംപ്പളിയിലേക്കും എ കെ ജി സെന്ററിലേക്കും കൂടി നീളുമോ എന്ന ആകാംക്ഷയാണ് എല്ലാവര്‍ക്കും ഉള്ളതെന്നും കെ സുരേന്ദ്രന്‍ പ്രതികരിച്ചു.
എന്‍ വാസുവിനെ വിളിച്ചു വരുത്തിയാണ് അറസ്റ്റ് ചെയ്തത്. പ്രത്യേക അന്വേഷണ സംഘം തലവന്‍ എസ്.പി പി.ശശിധരന്‍ നേരത്തെ എന്‍.വാസുവിനെ ചോദ്യം ചെയ്തിരുന്നു.
എന്‍ വാസു മുമ്പ് സി പി എം നേതാവ് പി കെ ഗുരുദാസന്‍ മന്ത്രിയായിരുന്നപ്പോള്‍ പേഴ്‌സണല്‍ സ്റ്റാഫില്‍ അംഗമായിരുന്നു.
