ന്യൂദൽഹി : ഡൽഹിയിലെ ഗുരു തേജ് ബഹാദൂർ സർക്കാർ ആശുപത്രിയിൽ ബുർഖ ധരിച്ച മുസ്ലീം സ്ത്രീക്ക് പ്രവേശനം നിഷേധിച്ചതായി പരാതി. ആശുപത്രിയിൽ പ്രസവിച്ച തന്റെ സഹോദരഭാര്യയെ കാണാൻ എത്തിയ തബ്സ്സും എന്ന യുവതിയാണ് പരാതി ഉന്നയിച്ചത് .
“ഗാർഡ് എന്റെ ബുർഖ നോക്കി , നിങ്ങൾക്ക് ഇത് ധരിച്ച് അകത്തേക്ക് പോകാൻ കഴിയില്ല’ എന്ന്. പറഞ്ഞുവെന്നാണ് തബ്സ്സും പറയുന്നത്. തനിക്ക് ഗേറ്റ് പാസ് ഉണ്ടായിരുന്നുവെന്നും യുവതി പറഞ്ഞു.
മകളെ അപമാനിച്ചെന്ന് ആരോപിച്ച് തബ്സുമിന്റെ കുടുംബവും രംഗത്തെത്തി. ആദ്യം സ്കൂളുകളും കോളേജുകളും ആയിരുന്നു, ഇപ്പോൾ ആശുപത്രികളും പോലും ഇത് നടക്കുന്നുവെന്നും , മുസ്ലീങ്ങളെ ഭയക്കേണ്ട കാര്യമെന്താണെന്നും കുടുംബം ചോദിച്ചു.
