പാലക്കാട്: റീല്‍സ് കണ്ട് നിര്‍മിച്ച ഡൈനിങ് ടേബിളിന് ആരാധകരേറെ. മടക്കാന്‍ കഴിയുന്നതും, യാത്രക്കിടെ ഉപയോഗിക്കാന്‍ കഴിയുന്നതുമായ ഡൈനിങ് ടേബിളാണ് ഹയര്‍സെക്കന്‍ഡറി വിഭാഗം പ്രവൃത്തിപരിചയമേളയില്‍ ശ്രദ്ധേയമായത്. തിരുവനന്തപുരം നെയ്യാറ്റിന്‍കര ജിജിഎച്ച്എസ്എസിലെ ജി.എസ്. അലീനയാണ് ഫോള്‍ഡബിള്‍ ആന്‍ഡ് പോര്‍ട്ടബിള്‍ ഡൈനിങ് ടേബിള്‍ നിര്‍മിച്ചത്.എച്ച്എസ്എസ് വിഭാഗം മരപ്പണി മത്സരത്തില്‍ മൂന്നുമണിക്കൂറില്‍ അഞ്ച് സാധനങ്ങളാണ് ഈ മിടുക്കി നിര്‍മിച്ചത്. ഇതില്‍ ഏറെ ശ്രദ്ധേയമായത് ഡൈനിങ് ടേബിളാണ്. രണ്ടുചെയറുകള്‍, സ്റ്റൂള്‍, പീഠം എന്നിവയാണ് മറ്റുസാധനങ്ങള്‍. ആശാരിപ്പണിക്കാരനായ അച്ഛന്‍ സുരേന്ദ്രനാണ് ഗുരു. കുഞ്ഞുനാള്‍ മുതല്‍ക്ക് മരപ്പണിയോടുള്ള ഇഷ്ടമാണ് ഇന്ന് സംസ്ഥാന ശാസ്ത്രമേളയില്‍ വരെ എത്താനുള്ള കാരണമെന്ന് അലീന പറയുന്നു.അമ്മ ഗ്ലാഡിസ് സ്റ്റെല്ല പിന്തുണയുമായി കൂടെയുണ്ട്.
സംസ്ഥാന സ്‌കൂള്‍ ശാസ്ത്രോത്സവം: റീലില്‍ പ്രചോദനം; ഡൈനിങ് ടേബിളിന് ആരാധകരേറെ
അലീന ഡൈനിങ് ടേബിള്‍ നിര്‍മാണത്തിനിടെ താന്‍ നിര്‍മിച്ച കസേരയില്‍ ഇരിക്കുന്നു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.