തിരുവനന്തപുരം: ഡിസംബര് എട്ടു മുതല് 12 വരെയുള്ള പിഎസ്സി പരീക്ഷകള് മാറ്റി. തദ്ദേശ തെരഞ്ഞെടുപ്പ് പ്രഖ്യാപിച്ചതിനു പിന്നാലെയാണ് പരീക്ഷകള് മാറ്റിയത്.
മാറ്റിവച്ച പരീക്ഷകള് 2026 ഫെബ്രുവരിയില് നടത്തും. തീയതികള് പിന്നീട് അറിയിക്കുമെന്ന് പിഎസ്സി അറിയിച്ചു.
സംസ്ഥാനത്ത് തദ്ദേശ സ്ഥാപനങ്ങളിലേക്കുള്ള വോട്ടെടുപ്പ് തീയതി തെരഞ്ഞെടുപ്പ് കമ്മീഷന് ഇന്നാണ് പ്രഖ്യാപിച്ചത്. രണ്ടുഘട്ടമായിട്ടാണ് വോട്ടെടുപ്പ്. തിരുവനന്തപുരം മുതല് എറണാകുളം വരെയുള്ള ഏഴ് ജില്ലകളില് ഡിസംബര് ഒന്പതിനാണ് വോട്ടെടുപ്പ്.തൃശൂര് മുതല് കാസര്ഗോഡ് വരെയുള്ള ഏഴ് ജില്ലകളില് ഡിസംബര് 11ന് ആയിരിക്കും വോട്ടെടുപ്പ്. വോട്ടെണ്ണല് ഡിസംബര് 13 ശനിയാഴ്ച.
