ആലുവ: ഇന്നത്തെ കലുഷിതമായ സാമൂഹ്യ വ്യവസ്ഥിതിക്ക് കാരണം വേദാശ്രിതമായ ധാര്മിക മൂല്യങ്ങളുടെ അഭാവമാണെന്ന് കൊളത്തൂര് അദ്വൈതാശ്രമം മഠാധിപതി ചിദാനന്ദപുരി സ്വാമി.
ധാര്മിക ജീവിതത്തിലൂടെ മാത്രമെ നമുക്ക് പുരോഗതി കൈവരിക്കാന് സാധിക്കുകയുള്ളുവെന്നും സ്വാമി പറഞ്ഞു. വെളിയത്ത്നാട് തന്ത്രവിദ്യാപീഠത്തില് മാധവ്ജി ജന്മശതാബ്ദി ആഘോഷങ്ങളുടെ ഭാഗമായുള്ള ക്ഷേത്രീയ വേദ സമ്മേളനത്തിന്റെ ഉദ്ഘാടനം നിര്വഹിക്കുകയായിരുന്നു സ്വാമി. വേദത്തില് ധര്മവും മതവും തമ്മിലുള്ള വ്യത്യാസം വേര്തിരിച്ച് കാണണമെന്നും ധര്മത്തിന്റെ അടിസ്ഥാനം വേദമാണെന്നും ചിദാനന്ദപുരി സ്വാമി പറഞ്ഞു.
മഹര്ഷി സാന്ദീപനി രാഷ്ട്രീയ വേദ വിദ്യാപ്രതിഷ്ഠാന് സെക്രട്ടറി വിരുപാക്ഷി വി. ജൂഡിപാല് മുഖ്യാതിഥിയായി പങ്കെടുത്തു. തന്ത്രവിദ്യാപീഠം പ്രസിഡന്റ് മുല്ലപ്പള്ളി കൃഷ്ണന് നമ്പൂതിരി അധ്യക്ഷനായി. ഡോ. ഇ.എന്. ഈശ്വരന് നമ്പൂതിരി സ്വാഗതവും ഗോപാലകൃഷ്ണന് കുഞ്ഞി കൃതജ്ഞതയും രേഖപ്പെടുത്തി.
