തിരുവനന്തപുരം: കേരളപ്പിറവി ദിനമായ നവംബര്‍ ഒന്നിന് വികസിത കേരളം പ്രതിജ്ഞാ ദിനമായി ബി ജെ പി ആചരിക്കുന്നു. സംസ്ഥാനത്തെ എല്ലാ വാര്‍ഡുകളിലും പ്രവര്‍ത്തകര്‍ വികസിത കേരളം പ്രതിജ്ഞ ചൊല്ലും. മുതിര്‍ന്ന സംസ്ഥാന നേതാക്കള്‍ നേതൃത്വം നല്‍കും.
തദ്ദേശ തെരഞ്ഞെടുപ്പിന് മുന്നോടിയായി നവംബര്‍ 1 മുതല്‍ 10 വരെ വികസിത പഞ്ചായത്ത്- നഗരസഭാ സംഗമങ്ങള്‍ സംഘടിപ്പിക്കും. കേരളപ്പിറവി ദിനത്തില്‍ എല്ലാ ജില്ലകളിലും മുതിര്‍ന്ന നേതാക്കള്‍ സംഗമങ്ങളുടെ ഉദ്ഘാടനം നിര്‍വഹിക്കും. പൊതുജനങ്ങളില്‍ നിന്നും അഭിപ്രായം രൂപീകരിച്ച് അതാത് പഞ്ചായത്തുകളുടെ വികസന രൂപരേഖ സംഗമത്തില്‍ തയ്യാറാക്കും.
തിരുവനന്തപുരത്ത് പി. കെ കൃഷ്ണദാസ്, ആര്‍ ശ്രീലേഖ , അഡ്വ.എസ്. സുരേഷ് എന്നിവര്‍ വികസിത പഞ്ചായത്ത്- നഗരസഭാ സംഗമങ്ങള്‍ ഉദ്ഘാടനം ചെയ്യും.
തൃശൂര്‍ സിറ്റിയില്‍ ജേക്കബ് തോമസ് പങ്കെടുക്കും. പത്തനംതിട്ടയില്‍ ജനറല്‍ സെക്രട്ടറി അനൂപ് ആന്റണിയും കോട്ടയം വെസ്റ്റില്‍ മുന്‍ സംസ്ഥാന അധ്യക്ഷന്‍ കെ.സുരേന്ദ്രനും കോട്ടയം ഈസ്റ്റില്‍ ദേശീയ നിര്‍വാഹക സമിതിയംഗം കുമ്മനം രാജശേഖരനും കോഴിക്കോട് റൂറലില്‍ ജനറല്‍ സെക്രട്ടറി എം.ടി. രമേശും സംഗമങ്ങള്‍ ഉദ്ഘാടനം ചെയ്യും.
