കൊച്ചി: നടൻ ദിലീപിന്റെ വീട്ടിലേക്ക് അതിക്രമിച്ച് കടന്ന മലപ്പുറം സ്വദേശി പോലീസ് പിടിയിൽ. താരത്തിന്റെ ആലുവയിലെ വസതിയിലേക്ക് അനുവാദമില്ലാതെ കടന്നുകയറിയ ആളെയാണ് പോലീസ് പിടികൂടിയത്. സംഭവത്തിൽ മലപ്പുറം സ്വദേശി അഭിജിത്തിനെ ആണ് പോലീസ് കസ്റ്റഡിയിൽ എടുത്ത്. വെള്ളിയാഴ്ച രാത്രി 12 മണിക്കായിരുന്നു സംഭവം.
വീട്ടിലേക്ക് അതിക്രമിച്ച് കടക്കുന്നതായി കണ്ട വീട്ടുകാരും സുരക്ഷാ ജീവനക്കാരും ചേർന്ന് യുവാവിനെ പിടികൂടുകയും പോലീസിനെ വിവരമറിയിക്കുകയുമായിരുന്നു. തുടർന്ന്, പോലീസ് എത്തിയ ശേഷം ഇയാളെ കസ്റ്റഡിയിലെടുത്തു. മോഷ്ടിക്കാൻ കയറിയതാണെന്നാണ് കുടുംബം വിചാരിച്ചത്
എന്നാൽ ഇയാൾ മോഷ്ടിക്കാൻ ഉദ്ദേശിച്ച് വീടിനുള്ളിൽ കടന്നതല്ലെന്നും പ്രതി മദ്യലഹരിയിൽ ആയിരുന്നുവെന്നുമാണ് പോലീസ് വിശദീകരിച്ചത്. സംഭവത്തിൽ കുടുംബത്തിന്റെ പരാതിയുടെ അടിസ്ഥാനത്തിലാണ് ആലുവ പോലീസ് ഇയാളെ കസ്റ്റഡിയിലെടുത്തത്.
