ശ്രീനഗർ : ഇസ്ലാം പതാക പാറിക്കളിച്ചിരുന്ന കശ്മീരിലെ ലാൽ ചൗക്കിൽ ദീപാവലി ദീപങ്ങളിലൂടെ തെളിഞ്ഞ് ഓപ്പറേഷൻ സിന്ദൂർ . 25,000 മൺ വിളക്കുകളാണ് ലാൽ ചൗക്കിൽ തെളിയിച്ചത്. അതിർത്തി കടന്നുള്ള ഭീഷണികൾ വിലപ്പോവില്ലെന്ന സന്ദേശം കൂടിയായിരുന്നു ഇത്.ഭാരത് മാതാ കീ ജയ് എന്ന് വിളിച്ചുകൊണ്ടാണ് ആളുകൾ ദീപങ്ങൾ കത്തിച്ചത്. ആഘോഷങ്ങളുടെ തുടക്കം കുറിക്കാൻ നാട്ടുകാരും വിനോദസഞ്ചാരികളും ക്ലോക്ക് ടവറിന് സമീപം ഒത്തുകൂടി
ഭീകരതയുടെ ഇരുട്ടിനെ ഭേദിച്ച്, കാശ്മീർ താഴ്‌വരയിൽ സമാധാനത്തിനും ഐക്യത്തിനും വേണ്ടിയുള്ള കൂട്ടായ്‌മയാണ് ഇതിലൂടെ പ്രതിധ്വനിച്ചത് . സ്വർണ്ണ നിറങ്ങളിൽ കുളിച്ചു നിൽക്കുന്ന ശ്രീനഗറിന്റെ അപൂർവ കാഴ്ച പകർത്താനും ഫോട്ടോകൾ എടുക്കാനും നാട്ടുകാരും വിനോദസഞ്ചാരികളും സ്ക്വയറിൽ ഒഴുകിയെത്തി. തിങ്കളാഴ്ചയും ചൊവ്വാഴ്ചയും കശ്മീരിൽ ദീപാവലി ആഘോഷങ്ങൾ നടന്നു . രണ്ട് ദിവസങ്ങളിലും ആളുകൾ ക്ലോക്ക് ടവറിൽ ദീപങ്ങൾ കത്തിച്ചു.
