ഇസ്ലാമബാദ്: താലിബാന്കാരുടെ ഭയമില്ലാതെയുള്ള ആക്രമണം കണ്ട് പാകിസ്ഥാന്റെ സൈനികമേധാവി അസിം മുനീര് പകച്ചുപോയതായി റിപ്പോര്ട്ട്. “മാളത്തിലൊളിക്കാതെ കയറി അടിക്കെടാ” എന്ന് അസിം മുനീര് സൈനിക ഉദ്യോഗസ്ഥരുടെ ഉന്നതതലയോഗത്തില് അസിം മുനീര് എന്ന ഫീല്ഡ് മാര്ഷല് പദവി കൂടി വഹിക്കുന്ന സൈനിക മേധാവി ആക്രോശിച്ചതായി റിപ്പോര്ട്ട്.
താലിബാന് ആക്രമണം മുന്കൂട്ടി പ്രവചിക്കാന് കഴിയാതിരുന്ന പാകിസ്ഥാന് ഇന്റലിജന്സ് ഏജന്സിയെയും അസിം മുനീര് കുറ്റപ്പെടുത്തിയെന്നും റിപ്പോര്ട്ടുണ്ട്. “പാകിസ്ഥാന്റെ ഇന്റലിജന്സ് സംവിധാനം എവിടെ? ഇന്റലിജന്സ് രംഗത്ത് എന്താണ് നമ്മുടെ പരാജയത്തിന്റെ കാരണം?”-അസിം മുനീര് ക്ഷമകെട്ട് യോഗത്തില് ആക്രോശിച്ചെന്നും പറയപ്പെടുന്നു.
എവിടെയും കുത്തിത്തിരുപ്പുകളുണ്ടാക്കുന്നതില് മുന്പന്തിയില് നില്ക്കുന്ന ഐഎസ്ഐ ആണ് പാകിസ്ഥാന്റെ പ്രധാന ഇന്റലിജന്സ് ഏജന്സികളില് ഒന്ന്. അവര്ക്കും താലിബാന്റെ ആക്രമണം മുന്കൂട്ടി പ്രവചിക്കാന് കഴിഞ്ഞില്ല. മാത്രമല്ല, താലിബാന് പിന്തുണയുള്ള ടിടിപിയും താലിബാന് സൈന്യവും ടിഎല്പി എന്ന മറ്റൊരു ഭീകരസംഘടനയും പാകിസ്ഥാനില് ആഭ്യന്തരകലാപം ഉണ്ടാക്കുകയാണ്. എല്ലാവരേയും ഒരേ സമയം നേരിടുക എന്ന അസാധാരണ സ്ഥിതിവിശേഷമാണ് അസിം മുനീറിന്റെ മുന്പിലുള്ളത്. അത് നിറവേറ്റാനാകാതെ സമാധാനം നഷ്ടപ്പെട്ട നിലയിലാണ് അസിം മുനീര്.
താലിബാന്റെ ആക്രമണത്തില് കിടുങ്ങി നില്ക്കുന്ന പാക് സൈനികരുടെയും അവരെ ഏകോപിപ്പിക്കാനും തിരിച്ചടിക്കാനുള്ള ആത്മവീര്യത്തിലേക്ക് എത്തിക്കാന് കഴിയാത്ത അസിം മുനീറിന്റെയും ചിത്രം പാക് സൈന്യത്തിന്റെ ദൗര്ബല്യമാണ് എടുത്തുകാണിക്കുന്നത്. പാക് പ്രതിരോധമന്ത്രിയും പ്രധാനമന്ത്രി ഷെഹ്ബാസ് ഷെരീഫും വാര്ത്താമാധ്യമങ്ങളിലൂടെ തട്ടിവിടുന്നത് ഉണ്ടയില്ലാ വെടികളാണെന്നതാണ് വാസ്തവം.
