മുംബൈ: മഹാരാഷ്ട്രയിലെ താനെയില് ഒളിച്ചുതാമസിക്കുകയായിരുന്ന യുഎസിലെ സൈന്യത്തില് മേജറായിരുന്ന വ്യക്തിയെ മഹാരാഷ്ട്ര പൊലീസ് പിടികൂടി. ബിസിനസ് വിസയില് ഇന്ത്യയില് എത്തിയ ജെയിംസ് വാട്സണ് താനെയിലെ മത്സ്യത്തൊഴിലാളി മേഖലയില് പാവപ്പെട്ടവരെ മതപരിവര്ത്തനം നടത്തുന്ന പ്രവര്ത്തനങ്ങളില് ഏര്പ്പെട്ടുവരികയായിരുന്നുവെന്ന് മഹാരാഷ്ട്ര പൊലീസ് പറയുന്നു. അമേരിക്കയില് നിന്നുള്ള മിഷണറി പ്രവര്ത്തകന് കൂടിയാണ് ജെയിംസ് വാട്സണ് എന്നാണ് കണ്ടെത്തല്. ക്രിസ്ത്യന് മതത്തിലേക്കാണ് ഇയാള് പാവങ്ങളെ മതപരിവര്ത്തനം ചെയ്തിരുന്നത്.
താനെ, പാല്ഘര് ജില്ലകളില് സജീവമായി ഇയാള് പ്രവര്ത്തിച്ചിരുന്നു. പക്ഷെ പ്രവര്ത്തനങ്ങള് അതീവ രഹസ്യമായിട്ടായിരുന്നു നടത്തിവന്നിരുന്നത്.
വ്യോമപ്രതിരോധം, മിസൈല് പ്രതിരോധം എന്നീ മേഖലകളില് അമേരിക്കന് സൈനികരെ പരിശീലിപ്പിക്കുന്ന മേജറാണ് അറസ്റ്റ് ചെയ്യപ്പെട്ട ജെയിംസ് വാട്സണ്. ഇപ്പോള് അമേരിക്കന് സൈന്യത്തില് നിന്നും വിരമിച്ച ആളാണെന്നും പറയപ്പെടുന്നു. ഹിന്ദു വിശ്വാസത്തെ അധിക്ഷേപിക്കുക, പാവപ്പെട്ടവര്ക്ക് ചെറിയ ചെറിയ സഹായങ്ങളും സാധനങ്ങളും നല്കുക എന്നിവ വഴിയായിരുന്നു പാവപ്പെട്ടവരെ ഇയാള് സ്വാധീനിച്ചതെന്ന് പറയുന്നു. ഇയാളുടെ രഹസ്യദൗത്യം മതപരിവര്ത്തനമോ അതോ എന്തെങ്കിലും വലിയ ഭീകരപ്രവര്ത്തനമോ അതോ രണ്ടും ഒരേ സമയം നടത്തുക എന്നതോ ആണെന്ന് കരുതപ്പെടുന്നുണ്ട്.
2008ല് 175 പേര് കൊല്ലപ്പെട്ട മുംബൈ ഭീകരാക്രമണം നടത്തിന്റെ സൂത്രധാരനായിരുന്ന റിച്ചാര്ഡ് ഹെഡ്ലിയും ഇതുപോലെ ബിസിനസ് വിസയില് എത്തിയാണ് ഇന്ത്യയില് താമസിച്ച് തന്റെ രഹസ്യദൗത്യം പൂര്ത്തീകരിച്ച് മടങ്ങിയത്.
ഇതിന് സമാനമായ ഒരു സംഭവം ആഗസ്ത് മാസത്തില് ബംഗ്ലാദേശിലെ ധാക്കയില് നടന്നിരുന്നു. അവിടെ ഒരു ഹോട്ടല് മുറിയില് മരിച്ച നിലയില് കണ്ടെത്തിയ ടെറെന്സ് ആര്വെല് ജാക്സന് എന്നയാള് അമേരിക്കയിലെ സ്പെഷ്യല് ഫോഴ്സിന്റെ ഇന്സ്പെക്ടര് ജനറലായിരുന്നു. ഇതോടെ ബംഗ്ലാദേശ് പൊലീസിനോടു പോലും മുറിയില് കയറരുതെന്ന് പറഞ്ഞ് അമേരിക്കയില് നിന്നെത്തിയ സംഘം മാത്രമാണ് ആ മുറിയില് കയറിയത്. ഇയാള് എന്തിനാണ് ഇവിടെ ഒളിച്ചുതാമസച്ചിരുന്നത് എന്നത് സംബന്ധിച്ചും ആശങ്കാകുലമായ ചോദ്യങ്ങള് ഉയരുന്നു. യുഎസ് കമാന്ഡോ ആയ ഇയാള് ഇന്ത്യയില് ചില രഹസ്യദൗത്യങ്ങളുടെ ഭാഗമായി എത്തിയതാണെന്ന് പറയുന്നു. ഷാംഗ്ഹായി ഉച്ചകോടിയില് പങ്കെടുക്കാന് ആഗസ്ത് 31നായിരുന്നു പ്രധാനമന്ത്രി മോദി ചൈനയില് എത്തിയത്. അതേ ദിവസമാണ് ഈ യുഎസ് കമാന്ഡോ കൊല്ലപ്പെട്ട നിലയില് ബംഗ്ലാദേശിലെ ഹോട്ടല് മുറിയില് കണ്ടെത്തിയത്. ഷാങ് ഹായില് എസ് സിഒ ഉച്ചകോടിയില് പങ്കെടുക്കാന് എത്തിയ മോദി റോക്കറ്റ് ആക്രമണത്തെ വരെ ചെറുക്കാന് ശേഷിയുള്ള പുടിന്റെ ഓറസ് എന്ന ലിമോസിന് കാറിനകത്ത് വെച്ച് ദ്വിഭാഷികളില്ലാതെയാണ് പുടിനുമായി 45 മിനിറ്റ് നേരം സുപ്രധാന കാര്യങ്ങള് ചര്ച്ച ചെയ്തത്.
