തിരുവനന്തപുരം:ശബരിമല സ്വര്‍ണക്കൊള്ളയില്‍ ക്രൈംബ്രാഞ്ച് രണ്ട് കേസുകളാണെടുത്തത്.ഉണ്ണിക്കൃഷ്ണന്‍ പോറ്റിയെയും ദേവസ്വം ഉദ്യോഗസ്ഥരെയും അടക്കം പ്രതികളാക്കിയാണ് കേസുകള്‍.
ദ്വാരപാലകശില്‍പ്പ പാളി, കട്ടിള എന്നിവയില്‍ നിന്നും സ്വര്‍ണം കവര്‍ന്നതിന് വ്യത്യസ്ത കേസുകളാണ് എടുത്തിരിക്കുന്നത്. ദ്വാരപാലകശില്‍പ്പ പാളി കേസില്‍ 10 പ്രതികളുളളപ്പോള്‍ കട്ടിള കേസില്‍ 8 പ്രതികളാണ് ഉള്ളത്.
നിലവില്‍ സ്മാര്‍ട്ട് ക്രിയേഷന്‍സ് പ്രതിയല്ല. കേസ് പ്രത്യേക അന്വേഷണ സംഘത്തിന് കൈമാറും. കവര്‍ച്ച, വ്യാജരേഖ ചമക്കല്‍, വിശ്വാസ വഞ്ചന, ഗൂഢാലോചന എന്നീ കുറ്റങ്ങളാണ് ചുമത്തിയിട്ടുളളത്.അറസ്റ്റ് അടക്കമുള്ള നടപടികളിലേക്കും ഉടന്‍ കടന്നേക്കും.
അതേസമയം, ബോര്‍ഡ് അംഗങ്ങള്‍, അതിന് മുകളിലുള്ള ഭരണനേതൃത്വം എന്നിവരിലേക്ക് കൂടി അന്വേഷണം നീങ്ങുമോ എന്നാണ് ഇനി അറിയേണ്ടത്. പോറ്റിയും ഉദ്യോഗസ്ഥരും മാത്രം വിചാരിച്ചാല്‍ ഇത്രയധികം സ്വര്‍ണം കടത്താനാകില്ല.
