കൊട്ടാരക്കര. ദേവസ്വം ബോര്‍ഡ് ക്ഷേത്രങ്ങളിലെ സ്വര്‍ണകൊള്ള അവസാനിപ്പിക്കണമെന്നും , ദേവസ്വം പ്രസിഡന്റും, ദേവസ്വം മന്ത്രിയും രാജിവെക്കണമെന്ന് ആവശ്യപ്പെട്ടും യുവമോര്‍ച്ച കൊല്ലം ഈസ്റ്റ് ജില്ലാ കമ്മിറ്റിയുടെ നേതൃത്വത്തില്‍ കൊട്ടാരക്കര ദേവസ്വം അസിസ്റ്റന്റ് കമ്മീഷണര്‍ ഓഫീസ് ഉപരോധിച്ചു.
യുവമോര്‍ച്ച കൊല്ലം ജില്ലാ ജനറല്‍ സെക്രട്ടറി മഹേഷ് മണികണ്ഠന്‍ അധ്യക്ഷത വഹിച്ചു. യുവമോര്‍ച്ച കൊല്ലം ജില്ലാ പ്രസിഡന്റ് അഖില്‍ ശാസ്താംകോട്ട ഉദ്ഘാടനം ചെയ്തു. ദേവസ്വം ക്ഷേത്രങ്ങള്‍ കേന്ദ്രീകരിച്ച് നടക്കുന്ന സാമ്പത്തിക അഴിമതിയും സ്വര്‍ണം കൊള്ളയും അവസാനിപ്പിച്ചില്ലെങ്കില്‍ ദേവസ്വം ഓഫീസുകളുടെ പ്രവര്‍ത്തനം തടസപ്പെടുത്തുമെന്നും അദ്ദേഹം പറഞ്ഞു യുവമോര്‍ച്ച ജില്ലാ വൈസ് പ്രസിഡന്റ് അഭി ആയിക്കുന്നം,ജില്ലാ സെക്രട്ടറി മാരായ അനന്തന്‍ കടയ്‌ക്കല്‍, രാഹുല്‍ ഇടയ്‌ക്കാട്,എന്നിവര്‍ സംസാരിച്ചു നേതാക്കളായ ആദിത്യന്‍, അനൂപ്, ശ്രീജിത്ത് എന്നിവര്‍ നേതൃത്വം നല്‍കി.
