തിരുവനന്തപുരം: ശബരിമല ശ്രീകോവിലിലെ കട്ടിളപ്പടികളും സ്വര്‍ണം പൂശാന്‍ കൊണ്ടുപോയെന്ന് സസ്പന്‍ഡ് ചെയ്യപ്പെട്ട ഹരിപ്പാട് ഡെപ്യൂട്ടി കമ്മീഷണര്‍ മുരാരി ബാബു.ഇപ്പോഴത്തെ വിവാദ സംഭവം നടക്കുന്ന കാലത്ത് ദേവസ്വം അഡ്മിനിസ്‌ട്രേറ്റീവ് ഓഫീസറായിരുന്നു മുരാരി ബാബു. ചെമ്പെന്ന് രേഖപ്പെടുത്തിയാണ് കട്ടിളപ്പടികളും കൊണ്ടുപോയത് .
ലോഹം എന്താണോ അതാണ് രേഖകളില്‍ എഴുതിയിരിക്കുന്നത്. അടിസ്ഥാന ലോഹത്തില്‍ സ്വര്‍ണം പൂശാനാണ് പറഞ്ഞത്. അതാണ് അങ്ങനെ എഴുതാന്‍ കാരണം.ഒരു ഉദ്യോഗസ്ഥനാണ് താനെന്നതിനാല്‍ ഡിപ്പാര്‍ട്ട്‌മെന്റ് നടപടികള്‍ പൂര്‍ണമായി അനുസരിക്കുന്നു എന്നും മുരാരി ബാബു പറഞ്ഞു.
2019 ല്‍ വിജയ് മല്യ നല്‍കിയ സ്വര്‍ണം ചെമ്പാണെന്ന് റിപ്പോര്‍ട്ട് നല്‍കിയതിന് ബി മുരാരി ബാബുവിനെ സസ്‌പെന്റ് ചെയ്തിരിക്കുകയാണ് ദേവസ്വം വകുപ്പ്. ഈ വര്‍ഷം ഉണ്ണികൃഷ്ണന്‍ പോറ്റിയുടെ കൈവശം സ്വര്‍ണപ്പാളികൊടുത്തുവിട്ടതും മുരാരിബാബുവാണ്.
