ന്യൂദല്ഹി: എഞ്ചിനീയറിംഗ് സര്വീസ് തസ്തികകളിലേക്ക് യൂണിയന് പബ്ലിക് സര്വീസ് കമ്മീഷന് വിജ്ഞാപനമായി. കേന്ദ്ര സര്ക്കാര്/പൊതുമേഖലാ സ്ഥാപനങ്ങളില് ആകെ 474 ഒഴിവുകളാണുള്ളത്. എന്ജിനീയറിങ് സര്വീസസ് പരീക്ഷ മുഖേനയാണ് തിരഞ്ഞെടുപ്പ്. സിവില്, മെക്കാനിക്കല്, ഇലക്ട്രിക്കല്, ഇലക്ട്രോണിക്സ് ആന്ഡ് ടെലി കമ്യൂണിക്കേഷന് വിഭാഗങ്ങളിലാണ് ഒഴിവുകളുള്ളത്. ഉദ്യോഗാര്ഥികള്ക്ക് ഒക്ടോബര് 16 വരെ ഓണ്ലൈന് അപേക്ഷ നല്കാം.21 വയസ് മുതല് 30 വയസ് വരെ പ്രായമുള്ളവര്ക്ക് അപേക്ഷിക്കാം.
എന്ജിനീയറിങ് ബിരുദം/തത്തുല്യം, അല്ലെങ്കില് ഇന്സ്റ്റിറ്റിയൂഷന് ഓഫ് എന്ജിനീയേഴ്സിന്റെ (ഇന്ത്യ) ഇന് സ്റ്റിറ്റിയൂഷന് പരീക്ഷകളില് സെക്ഷന് എയിലും ബിയിലും ജയം, അല്ലെങ്കില് വിദേശ സര്വകലാശാലയില് നിന്നു നേടിയ തത്തുല്യ ബിരുദം/ഡിപ്ലോമ അല്ലെങ്കില് ഇന്സ്റ്റിറ്റിയൂഷന് ഓഫ് ഇലക്ട്രോണിക്സ് ആന്ഡ് ടെലികമ്യൂണിക്കേഷന് എന്ജിനീയേഴ്സിന്റെ(ഇന്ത്യ) ഗ്രാജ്വേറ്റ് മെമ്ബര്ഷിപ്പ് പരീക്ഷാ ജയം, അല്ലെങ്കില് എയറോനോട്ടിക്കല് സൊസൈറ്റി ഓഫ് ഇന്ത്യയുടെ അസോഷ്യേറ്റ് മെമ്പര്ഷിപ്പ്.
വയര്ലെസ് കമ്യൂണിക്കേഷന് ഇലക്ട്രോണിക്സ്, റേഡിയോ ഫിസിക്സ്/റേഡിയോ എന്ജിനീയറിങ് പ്രത്യേക വിഷയമായി പഠിച്ച് എംഎസ്സി/തത്തുല്യം, അല്ലെങ്കില് ഫിസിക്സ് ആന്ഡ് റേഡിയോ കമ്യൂണിക്കേഷന്/ഇലക്ട്രോണിക്സ്/ടെലികമ്യൂണിക്കേഷന് പ്രത്യേക വിഷയമായി പഠിച്ചു സയന്സ് ബിരുദാനന്തരബിരുദം.
പ്രിലിംസ് പരീക്ഷക്ക് കൊച്ചിയിലും, തിരുവനന്തപുരത്തും പരീക്ഷ കേന്ദ്രങ്ങള് അനുവദിച്ചിട്ടുണ്ട്. മെയിന് പരീക്ഷ തിരുവനന്തപുരത്താണ് നടക്കുക.
നോട്ടിഫിക്കേഷനും, പ്രോസ്പെക്ടസിനും www.upsc.gov.in സന്ദര്ശിക്കുക.
