കൊച്ചി : ആർ എസ് എസിന്റെ ശതാബ്ദി ആഘോഷവേളയിൽ പലരും അഭിമാനത്തോടെ നിരവധി ചിത്രങ്ങൾ സോഷ്യൽ മീഡിയയിൽ പങ്ക് വച്ചു. അതിൽ ബിജെപി നേതാവ് യുവരാജ് ഗോകുൽ പോസ്റ്റ് ചെയ്ത ചിത്രവും ഏറെ ഹൃദ്യമായിരുന്നു. ഗണവേഷത്തിലുള്ള മകനെ ചേർത്ത് പിടിച്ച് ‘ സംഘം ഒരു ശതകം ‘ എന്ന ക്യാപ്ഷനോടെയുള്ളതായിരുന്നു യുവരാജ് പോസ്റ്റ് ചെയ്ത ചിത്രം. ഏറെ പേരാണ് ഇതിന് ആശംസകളും, അഭിനന്ദനങ്ങളും അറിയിച്ച് കമന്റ് ചെയ്തത്. എന്നാൽ ഈ ചിത്രത്തിന് താഴെ വന്ന ഒരു കമന്റും , അതിന് യുവരാജ് നൽകിയ മറുപടിയുമാണ് ഇപ്പോൾ വൈറലാകുന്നത് .
മകനെ ചേർത്ത് പിടിച്ചു നിൽക്കുന്ന ചിത്രത്തിന് താഴെ ‘ ഏതോ കത്തിക്ക് ഉള്ളത് ‘ എന്നാണ് മുഹമ്മദ് പ്രാവിൽ എന്ന ഫേസ്ബുക്ക് അക്കൗണ്ടിൽ നിന്ന് വന്ന കമന്റ് . ഇതിന് ‘ ഏതോ കത്തിക്കോ പിച്ചാത്തിക്കോ ഉള്ളതാണെന്ന് അറിഞ്ഞ് കൊണ്ട് തന്നെയാണ് ഇക്കാ ഈ പണിക്കിറങ്ങിയത്…. എന്നും ജീവിച്ചിരുന്നോളാം എന്നൊന്നും ആര്‍ക്കും വാക്കും കൊടുത്തിട്ടില്ല. ‘ എന്നാണ് യുവരാജിന്റെ മറുപടി.
ഈ വാക്കുകൾ നിരവധി സ്വയം സേവകരാണ് ഇതിനോടകം ഏറ്റെടുത്തത് . ഓരോ സ്വയം സേവകനും മനസിലേറ്റിയ വാക്കുകളാണിതെന്നാണ് പലരും കമന്റ് ചെയ്തിരിക്കുന്നത് .
