കാസർഗോട് ∙ എയിംസ് കാസർഗോഡ് സ്ഥാപിക്കപ്പെടുമെങ്കിൽ ബിജെപി ജില്ലാ പ്രസിഡന്റിന് ഒരു പവൻ സ്വർണ്ണ മോതിരം സമ്മാനിക്കുമെന്ന പ്രസ്താവന നടത്തി കോൺഗ്രസ് എംപി രാജ്മോഹൻ ഉണ്ണിത്താൻ. ഫെയ്സ്ബുക്കിലൂടെയും ഇൻസ്റ്റഗ്രാമിലൂടെയും പങ്കുവെച്ച അദ്ദേഹത്തിന്റെ പ്രസ്താവന സമൂഹമാധ്യമങ്ങളിൽ ശ്രദ്ധ നേടുകയായിരുന്നു.
എന്നാൽ, രാജ്മോഹൻ ഉണ്ണിത്താന്റെ പ്രസ്താവനയ്‌ക്ക് ബിജെപി കാസർഗോഡ് ജില്ലാ പ്രസിഡൻറ് എം.എൽ. അശ്വിനി നൽകിയ ‘കുറിക്കുകൊള്ളുന്ന മറുപടി’ വലിയ ചര്‍ച്ചയാകുകയാണ്.
“രണ്ട് തവണയായി ആറാം വർഷവും എംപിയായിട്ട് തുടരുന്ന താങ്കൾക്ക് ഇതുവരെ എയിംസ് കൊണ്ടുവരാൻ കഴിഞ്ഞിട്ടില്ല. അങ്ങനെ ആയാൽ ഈ മണ്ഡലത്തിന് നിങ്ങളെക്കൊണ്ട് എന്ത് ഗുണം?” — എന്നാണ് അശ്വിനിയുടെ ചോദ്യം.
“എംപിയായി കാസർഗോഡിന്റെ ആരോഗ്യ മേഖലയ്‌ക്ക് മാറ്റം കൊണ്ടുവരാൻ കഴിയാത്ത രാജ്മോഹൻ ഉണ്ണിച്ചായ്‌ക്ക് ഞാൻ ഒരു മുഴം കയർ വാങ്ങിത്തരാം” — എന്നാണ് അശ്വിനി തന്റെ ഫെയ്സ്ബുക്കിൽ കുറിച്ചത്.
ഈ പോസ്റ്റ് സമൂഹമാധ്യമങ്ങളിൽ വൻ തോതിൽ വൈറലായിരിക്കുകയാണ്. സ്വർണ്ണ മോതിര വാഗ്ദാനത്തിന്റെ മറുപടിയായി ‘മുഴം കയർ’ പരാമർശിച്ചതോടെ, എംപി രാജ്മോഹൻ ഉണ്ണിത്താൻ മുഖം നഷ്ടപ്പെട്ട നിലയിലാണ്.
എയിംസ് കാസർഗോഡ് വിഷയത്തിൽ രാഷ്‌ട്രീയ പോര് കൂടുതൽ കടുത്ത രീതിയിലേക്കാണ് നീങ്ങുന്നത്.
