ന്യൂഡൽഹി : ലേയിലെ അക്രമത്തിന് പ്രേരിപ്പിച്ചതുമായി ബന്ധപ്പെട്ട് പൊലീസ് അറസ്റ്റ് ചെയ്ത ആക്ടിവിസ്റ്റ് സോനം വാങ്ചുക്കിനെ ഉടൻ മോചിപ്പിക്കണമെന്ന് സിപിഎം . ദേശീയ സുരക്ഷാ നിയമപ്രകാരം സോനത്തെ തടങ്കലിൽ വച്ചത് തെറ്റാണെന്നും, സ്വേച്ഛാധിപത്യ സ്വഭാവത്തെയും ലഡാക്ക് ജനങ്ങളുടെ യഥാർത്ഥ അഭിലാഷങ്ങളോടുള്ള അവഹേളനത്തെയുമാണ് ഇത് സൂചിപ്പിക്കുന്നതെന്നും പ്രസ്താവനയിൽ പറയുന്നു.
സോനം വാങ്ചുകിനെ ഉടൻ മോചിപ്പിക്കണമെന്നും, ജനങ്ങളുടെ മേൽ ചുമത്തിയിരിക്കുന്ന എല്ലാ കേസുകളും നിരുപാധികം പിൻവലിക്കണമെന്നും, പ്രസ്ഥാനത്തിന്റെ ആവശ്യങ്ങൾ ഉടനടി അംഗീകരിക്കണമെന്നും സിപിഎം പ്രസ്താവനയിൽ പറയുന്നു.
