കൊല്ലം: പുനലൂര്‍ മുക്കടവില്‍ റബര്‍ തോട്ടത്തില്‍ അജ്ഞാത മൃതദേഹം കണ്ടെത്തിയ സംഭവം കൊലപാതകം.വലതുവാരിയെല്ലിനേറ്റ ആഴത്തില്‍ ഉള്ള മുറിവ് ആണ് മരണത്തിന് കാരണം.ഇടതുകാലിന് സ്വാധീനമില്ലാത്ത പുരുഷന്റെ മൃതദേഹമാണ് കണ്ടെത്തിയതെന്ന് പൊലീസ് പറഞ്ഞു.
പുനലൂര്‍, മുക്കടവില്‍ കഴിഞ്ഞ ദിവസമാണ് കൈകാലുകള്‍ ചങ്ങലയിട്ട് ബന്ധിപ്പിച്ച നിലയില്‍ മൃതദേഹം കണ്ടെത്തിയത്.പാരിപ്പള്ളി മെഡിക്കല്‍ കോളേജില്‍ നടത്തിയ പോസ്റ്റ്‌മോര്‍ട്ടം റിപ്പോര്‍ട്ടിന്റെ പ്രാഥമിക വിവരങ്ങളാണ് പുറത്ത് വന്നത്.
കൊലപാതക ശേഷം പെട്രോള്‍ ഒഴിച്ച് മൃതദേഹം കത്തിച്ചുവെന്നാണ് പൊലീസ് കരുതുന്നത്. ഡിഎന്‍എ പരിശോധന നടത്തി കഴിഞ്ഞ് മറ്റ് പൊലീസ് സ്റ്റേഷനുകളിലെ കാണാതായ കേസുകളും പരിശോധിക്കും. മൃതദേഹം കണ്ടെത്തിയ സ്ഥലത്ത് മെറ്റല്‍ ഡിറ്റക്ടര്‍ ഉപയോഗിച്ച് പരിശോധന നടത്തി. സൈബര്‍ പൊലീസും പ്രദേശത്ത് നിന്ന് വിവരങ്ങള്‍ ശേഖരിച്ചു.
