ബെംഗളൂരു: ഹിന്ദുത്വത്തെ തകര്‍ക്കാന്‍ എന്‍ജിഒ-മാവോയിസ്റ്റ് മാധ്യമ-മതപരിവര്‍ത്തന ലോബികള്‍ കര്‍ണ്ണാടകയില്‍ ഒന്നിനു പിറകേ മറ്റൊന്നായി നടപ്പാക്കുന്ന ഗൂഢപദ്ധതികള്‍ക്കെതിരെ ശക്തമായി കൈകോര്‍ത്ത്, ഉയര്‍ത്തെഴുന്നേല്‍ക്കുന്ന ഹിന്ദുശക്തിയെ കണ്ട് ഞെട്ടുകയാണ് കര്‍ണ്ണാടകം.
ഏറ്റവും ഒടുവില്‍ ധര്‍മ്മസ്ഥല ക്ഷേത്രത്തെ നശിപ്പിക്കാന്‍ നടത്തിയ ഗൂഢാലോചന പൊളിഞ്ഞുകഴിഞ്ഞിരിക്കുന്നു. അതിന് പിന്നാലെയാണ് ബുക്കര്‍ സമ്മാനം നേടിയ ഭാനു മുഷ്താഖ് എന്ന മുസ്ലിം ന്യൂനപക്ഷ എഴുത്തുകാരിയെക്കൊണ്ട് മൈസൂരു ദസറ ആഘോഷം ഉദ്ഘാടനം ചെയ്യിക്കാനുള്ള സിദ്ധരാമയ്യ സര്‍ക്കാരിന്റെ പദ്ധതി. ബിംബാരാധന നിഷേധിക്കുന്ന മതത്തില്‍പ്പെട്ട എഴുത്തുകാരി എങ്ങിനെയാണ് ചാമുണ്ഡിക്കുന്നിന്‍മുകളിലെ ചാമുണ്ഡീദേവി വിഗ്രഹത്തിനെ വന്ദിച്ച് വിളക്കുകൊളുത്തി മൈസൂര്‍ ദസറ ഉദ്ഘാടനം ചെയ്യുക എന്ന ചോദ്യം ഉയരുന്നു. കന്നടഭാഷയെ ദേവിയായി സങ്കല്‍പിക്കുന്നതിനെ എതിര്‍ക്കുന്ന എഴുത്തുകാരി കൂടിയാണ് ഭാനു മുഷ്താഖ്. ചാമുണ്ഡീദേവിയോ, ചാമുണ്ഡീ ദേവീക്ഷേത്രമോ ഹിന്ദുക്കളുടേത് മാത്രമല്ലെന്നാണ് കോണ്‍ഗ്രസ് നേതാവും കര്‍ണ്ണാടക ഉപമുഖ്യമന്ത്രിയുമായ ശിവകുമാര്‍ പറഞ്ഞത്. ഇതിന് പിന്നാലെയാണ് ഗണേശോത്സവത്തോടനുബന്ധിച്ച് നടന്ന ഘോഷയാത്രയ്‌ക്ക് നേരെ കര്‍ണ്ണാടകയിലെ മാണ്ഡ്യയിലെ മദ്ദൂരില്‍ കല്ലേറ് നടന്നിരുന്നു. ഇസ്ലാമിസ്റ്റുകളായിരുന്നു ഈ കല്ലേറിന് പിന്നില്‍. തുടര്‍ന്ന് ഇരുവിഭാഗം നടത്തിയ ഏറ്റുമുട്ടലില്‍ എട്ട് പേര്‍ക്ക് പരിക്കേറ്റിരുന്നു.
എന്തായാലും ഹിന്ദുത്വത്തിനെതിരായ കടന്നാക്രമണത്തില്‍ അസ്വസ്ഥരായിരുന്നു പലരുംമ. അതാണ് കഴിഞ്ഞ ദിവസം മാണ്ഡ്യയില്‍ നടന്ന ഹൈന്ദവ ഏകതാറാലി. പതിനായിരക്കണക്കിന് പേരാണ് ഈ റാലിയില്‍ അണിനിരന്നത്. ഹിന്ദുത്വത്തെ തകര്‍ക്കാന്‍ ആര്‍ക്കും കഴിയില്ലെന്നതിന്റെ തെളിവുകൂടിയായി മാറി ഈ റാലി. മുറിവേല്‍പ്പിക്കും തോറും ഇരട്ടി ശക്തിയില്‍ ഹിന്ദുത്വ ഉയിര്‍ത്തെഴുന്നേല്‍ക്കുമെന്നാണ് മാണ്ഡയിലെ ഏകതാറാലി തെളിയിച്ചത്. ഇനിയും ഹിന്ദുത്വത്തിനെതിരായ കടന്നാക്രമണത്തില്‍ മൗനം ഭജിച്ച് കാഴ്ചക്കാരായി നോക്കിനില്‍ക്കാന്‍ കഴിയില്ലെന്നതിന്റെ വിളംബരമായി മാറി ഈ റാലി.
