തിരുവനന്തപുരം: സ്വർണ്ണവില ഇന്ന് ഗ്രാമിന് 125 രൂപ വർദ്ധിച്ച് 10110 രൂപയും, 1000 രൂപ വർദ്ധിച്ച് പവന് 80880 രൂപയുമായി. എക്കാലത്തെയും ഉയർന്ന വിലയാണിത്. 24 കാരറ്റ് സ്വർണത്തിന് കിലോഗ്രാം ബാങ്ക് നിരക്ക് ഒരുകോടി 15 ലക്ഷം രൂപയായിട്ടുണ്ട് .
ഇന്നലെ രാവിലെ സ്വർണ്ണവില ഗ്രാമിന് 10 രൂപ കുറയുകയും, ഉച്ചയ്ക്കുശേഷം 50 രൂപ വർദ്ധിക്കുകയുമായിരുന്നു. 2022 ഡിസംബർ 29ന് 5005 രൂപ ഗ്രാമിനും, 40040 രൂപ പവനും വിലയായിരുന്നു.അന്ന് അന്താരാഷ്ട്ര സ്വര്ണ വില 1811 ഡോളറിൽ എത്തി. രൂപയുടെ വിനിമയ നിരക്ക് 82.84 ലായിരുന്നു.
മൂന്നുവർഷത്തിനുള്ളിലാണ് സ്വർണ്ണവില പതിനായിരം രൂപ കടക്കുന്നത്. ഇന്ന് അന്താരാഷ്ട്ര സ്വർണ്ണവില 3645 ഡോളറും, രൂപയുടെ വിനിമയ നിരക്ക് 88 ആണ്.
