ന്യൂദൽഹി : ദൽഹി സർവ്വകലാശാല തെരഞ്ഞെടുപ്പ് പ്രചാരണത്തിന്റെ ഭാഗമായി ബുധനാഴ്ച എൻ എസ് യു ഐ നടത്തിയ ഡി.യു ബച്ചാവോ റാലിയിൽ വ്യാപക സംഘർഷം. സർവ്വകലാശാല തെരഞ്ഞെടുപ്പിനുള്ള സ്ഥാനാർഥി നിർണയത്തിൽ ഉള്ള തർക്കങ്ങൾ സാധ്യത പട്ടികയിൽ ഉള്ള നേതാക്കളെയും അവരുടെ അണികളെയും ചൊടിപ്പിച്ചിരുന്നു ഇതാണ് വ്യാപക അക്രമങ്ങൾക്ക് വഴി ഒരുക്കിയത്.
എൻ എസ് യു ഐ ദേശീയ ഭാരവാഹികളും സംസ്ഥാന ഭാരവാഹികളും സ്ഥാനാർഥി നിർണയത്തിൽ സ്വജന പക്ഷപാതം കാട്ടുന്നു അതേപോലെ വൻ തുകകൾ കോഴയായി കൈപ്പറ്റുന്നു മുതലായ ആരോപണങ്ങൾ നിലനിൽക്കെയാണ് ഈ തരത്തിൽ ഉള്ള സംഘട്ടനം റോഡിൽ അരങ്ങേറിയത്.
എൻ എസ് യു ഐ ദേശീയ ജനറൽ സെക്രട്ടറി ഹണി ബാഗ, സംസ്ഥാന അധ്യക്ഷൻ ആശിഷ് ലാംബ, വിദ്യാർത്ഥി നേതാവ് ശുഭം ചൗധരി എന്നിവർക്ക് നേരേ അക്രമം ഉണ്ടായി എന്നാണ് അറിയാൻ സാധിക്കുന്നത്.
