തിരുവനന്തപുരം:ഗോവിന്ദച്ചാമിയുടെ ജയില്‍ ചാട്ട കേസ് സംസ്ഥാന ക്രൈം ബ്രാഞ്ച് അന്വേഷിക്കും. നിലവില്‍ കണ്ണൂര്‍ സിറ്റി അസി.കമ്മീഷണറുടെ നേതൃത്വത്തിലുള്ള പ്രത്യേക സംഘമാണ് അന്വേഷണം നടത്തുന്നത്.
ഗുരുതര കുറ്റകൃത്യമായതിനാലും ജയില്‍ ഉദ്യോഗസ്ഥര്‍ക്കെതിരെ വിശദ അന്വേഷണം നടത്തേണ്ടതുളളതിനാലുമാണ് വിശദ അന്വേഷണത്തിന് ഉത്തരവിട്ടത്. മുഖ്യമന്ത്രിയുടെ നിര്‍ദ്ദേശാനുസരണമാണ് ഡിജിപി അന്വേഷണം ക്രൈം ബ്രാഞ്ചിന് കൈമാറിയത്. കണ്ണൂര്‍ സെന്‍ട്രല്‍ ജയിലില്‍ തടവില്‍ കഴിയവെയാണ് ഗോവിന്ദചാമി ജയില്‍ ചാടിയത്.
ഗോവിന്ദച്ചാമിക്ക് ജയില്‍ ചാടാന്‍ ആരുടെയും സഹായം ലഭിച്ചില്ലെന്നാണ് ജയില്‍ ഡിഐജി അന്വേഷിച്ച് റിപ്പോര്‍ട്ട് നല്‍കിയത്. എന്നാല്‍, ജയിലില്‍ സുരക്ഷാ വീഴ്ചയുണ്ടായെന്നും രാത്രി ഡ്യൂട്ടിയിലുണ്ടായിരുന്ന അസിസ്റ്റന്റ് ജയില്‍ സൂപ്രണ്ടിനടക്കം വീഴ്ച സംഭവിച്ചെന്നും അന്വേഷണ റിപ്പോര്‍ട്ടില്‍ ഉണ്ട്.
