തിരുവനന്തപുരം : പ്രായപൂര്‍ത്തിയാവാത്ത പെണ്‍കുട്ടിയെ നിരന്തരം പീഡിപ്പിക്കുകയും മയക്കുമരുന്ന് വില്പ്പനയ്ക്ക് ഉപയോഗിക്കുകയും ചെയ്ത കേസില്‍ രണ്ടാനച്ഛന് 55 വര്‍ഷം കഠിനതടവും 40000 രൂപ പിഴയും വിധിച്ച് തിരുവനന്തപുരം അതിവേഗ കോടതി. കൊലക്കേസ് പ്രതികൂടിയായ മാറനല്ലൂര്‍ സ്വദേശി അനീഷിനെയാണ് ശിക്ഷിച്ചത്.
2019 ലാണ് കേസിന് ആസ്പദമായ സംഭവങ്ങള്‍ക്ക് തുടക്കം. പെണ്‍കുട്ടിയുടെ അമ്മയെ രണ്ടാമത് വിവാഹം കഴിച്ച അനീഷ് നാഗര്‍കോവില്‍ വാടകയ്‌ക്ക് താമസിക്കുന്നതിനിടെയാണ് അന്ന് ഏഴാംക്‌ളാസില്‍ പഠിക്കുകയായിരുന്ന കുട്ടിയെ ആദ്യമായി പീഡിപ്പിച്ചത്. കൊന്നുകളയും എന്ന് ഭീഷണിപ്പെടുത്തിയതിനാല്‍ കുട്ടി വിവരം പുറത്ത് പറഞ്ഞില്ല. പിന്നീട് പലവട്ടം ആന്ധ്രയിലും വിശാഖപട്ടണത്തിലും കൊണ്ടുപോയും പീഡിപ്പിച്ചു. കുട്ടിയെ അമ്മയും ഭീഷണിപ്പെടുത്തി മയക്കുമരുന്ന് കച്ചവടത്തിനു വിടുമായിരുന്നു. തിരുമലയിലേക്ക് താമസം മാറ്റിയതിനുശേഷവും പീഡനം തുടര്‍ന്നു. സഹികെട്ട് പെണ്‍കുട്ടി ബന്ധുക്കളെ അറിയിക്കുകയും അവര്‍ പൊലീസില്‍ പരാതിപ്പെടുകയുമായിരുന്നു.
ബാലികയെ പീഡിപ്പിക്കുകയും മയക്കുമരുന്ന് വില്പ്പനയ്ക്ക് ഉപയോഗിക്കുകയും ചെയ്ത രണ്ടാനച്ഛന് 55 വര്‍ഷം കഠിനതടവ്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.