ന്യൂദല്‍ഹി: രാജ്യത്തെ മൊത്തം അധ്യാപകരുടെ എണ്ണം ഒരു കോടി കവിഞ്ഞു, 2022 23 നെ അപേക്ഷിച്ച് 6.7 ശതമാനം വര്‍ധനവാണ് രേഖപ്പെടുത്തിയത്. ഇന്ത്യയിലെ സ്‌കൂള്‍ വിദ്യാഭ്യാസ സമ്പ്രദായത്തിലെ പുരോഗതി വിലയിരുത്തുന്ന യൂണിഫൈഡ് ഡിസ്ട്രിക്റ്റ് ഇന്‍ഫര്‍മേഷന്‍ സിസ്റ്റം ഫോര്‍ എഡ്യൂക്കേഷന്‍ പ്ലസ് റിപ്പോര്‍ട്ടിലാണ് ഇക്കാര്യമുള്ളത്. വിദ്യാഭ്യാസ മന്ത്രാലയമാണ് റിപ്പോര്‍ട്ട് പുറത്തു വിട്ടത്. 2024-25 ലെ കണക്കനുസരിച്ച് ഒരു അധ്യാപകന് 10 വിദ്യാര്‍ത്ഥികളും പ്രൈമറി തലത്തില്‍ 13 വിദ്യാര്‍ത്ഥികളും മിഡില്‍ സ്‌കൂള്‍തലത്തില്‍ 17 വിദ്യാര്‍ത്ഥികളും സെക്കന്‍ഡറി തലത്തില്‍ 21 വിദ്യാര്‍ത്ഥികളും എന്ന അനുപാതത്തിലായി.
കൊഴിഞ്ഞുപോക്കും കുറഞ്ഞു. 2022-23 ലെ കൊഴിഞ്ഞുപോക്ക് പ്രൈമറി തലത്തില്‍ 3.7% ല്‍ നിന്ന് 2024-25 ല്‍ 2.3% ആയും മിഡില്‍ സ്‌കൂള്‍തലത്തില്‍ 5.2% ല്‍ നിന്ന് 3.5% ആയും, സെക്കന്‍ഡറി തലത്തില്‍ 10.9% ല്‍ നിന്ന് 8.2% ആയും കുറഞ്ഞു.
വിദ്യാഭ്യാസത്തിലെ ലിംഗസമത്വവും മെച്ചപ്പെട്ടു. 2024-25ല്‍ അധ്യാപകരില്‍ സ്ത്രീ പ്രാതിനിധ്യം 54.2% ആയി ഉയര്‍ന്നപ്പോള്‍, പെണ്‍കുട്ടികളുടെ പ്രവേശനം വര്‍ദ്ധിച്ച് 48.3% ആയി.
രാജ്യത്തെ മൊത്തം അധ്യാപകരുടെ എണ്ണം ഒരു കോടി കവിഞ്ഞു, സ്ത്രീ പ്രാതിനിധ്യം 54.2 ശതമാനം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.