കൊച്ചി: വൃക്ഷങ്ങളുടെ രക്ഷയ്ക്കായി ജീവന് അര്പ്പിച്ച വീര വനിതയായ അമൃതാ ദേവിയുടെ ബലിദാന ദിനാചരണത്തിന്റെ ഭാഗമായി ബിഎംഎസിന്റെ അമൃതാ ദേവി പുരസ്കാരം ശ്യാം കുമാറിന്. അമൃതാ ദേവിയുടെ ബലിദാന ദിനം ബിഎംഎസ് ദേശീയ പര്യാവരണ് ദിനമായി ആചരിച്ചു.
സ്വന്തം ഓട്ടോയില് വൃക്ഷത്തൈകള് കൊണ്ടുപോയി നട്ടുപിടിപ്പിക്കുന്ന പാലക്കാട്ടെ പരിസ്ഥിതി പ്രവര്ത്തകനാണ് ശ്യാംകുമാര്. സപ്തംബര് 12ന് പാലക്കാട് നടക്കുന്ന ചടങ്ങില് സി. സദാനന്ദന് മാസ്റ്റര് എംപി പുരസ്കാരം സമ്മാനിക്കുമെന്ന് ബിഎംഎസ് സംസ്ഥാന വൈസ് പ്രസിഡന്റ് അഡ്വ. പി. മുരളീധരന്, സെക്രട്ടറി സിബി വര്ഗീസ്, എറണാകുളം ജില്ലാ സെക്രട്ടറി ധനീഷ് നീറിക്കോട് എന്നിവര് കൊച്ചിയില് വാര്ത്താ സമ്മേളനത്തില് അറിയിച്ചു.
