ന്യൂദല്‍ഹി : 2024ലെ ദേശീയ യുവജന പുരസ്‌കാരത്തിന് (NYA) കേന്ദ്ര യുവജനകാര്യ-കായിക മന്ത്രാലയം നാമനിര്‍ദ്ദേശങ്ങള്‍ ക്ഷണിച്ചു.15 നും 29 നും ഇടയില്‍ പ്രായമുള്ള യുവാക്കളെ ദേശീയ വികസനത്തില്‍ അല്ലെങ്കില്‍ സാമൂഹിക സേവനപ്രവര്‍ത്തനങ്ങളില്‍ മികവ് കൈവരിക്കാന്‍ പ്രേരിപ്പിക്കുക, സമൂഹത്തോടുള്ള ഉത്തരവാദിത്തബോധം വളര്‍ത്തിയെടുക്കാന്‍ യുവാക്കളെ പ്രോത്സാഹിപ്പിക്കുക, അതുവഴി നല്ല പൗരന്മാരായി അവരുടെ സ്വന്തം കഴിവുകള്‍ മെച്ചപ്പെടുത്തുക; ദേശീയ വികസനത്തിനും/അല്ലെങ്കില്‍ സാമൂഹിക സേവനത്തിനുമായി യുവാക്കളെ ഉള്‍പ്പെടുത്തി പ്രവര്‍ത്തിക്കുന്ന സന്നദ്ധ സംഘടനകള്‍ക്ക് അംഗീകാരം നല്‍കുക എന്നിവയാണ് അവാര്‍ഡിന്റെ ലക്ഷ്യം.
സാധാരണയായി ദേശീയ യുവജനോത്സവ സമയത്താണ് ദേശീയ യുവജന പുരസ്‌കാരം നല്‍കുന്നത്. വ്യക്തിഗത വിഭാഗം ,സംഘടനാ വിഭാഗംഎന്നിങ്ങനെ രണ്ട് വിഭാഗങ്ങളിലായാണ് പുരസ്‌കാരം നല്‍കുന്നത്:
സാധാരണയായി, ഓരോ വര്‍ഷവും നല്‍കുന്ന പുരസ്‌കാരങ്ങളുടെ എണ്ണം വ്യക്തിഗത വിഭാഗത്തിന് 20 ഉം സംഘടനാ വിഭാഗത്തിന് അഞ്ചുമാണ്. എന്നാല്‍ അര്‍ഹമായ സാഹചര്യത്തില്‍ അനുമതി നല്‍കുന്ന അധികാരപ്പെട്ട വ്യക്തിയുടെ വിവേചനാധികാരത്തിനനുസരിച്ച് ഇത് വ്യത്യാസപ്പെടാം.
മെഡല്‍, സര്‍ട്ടിഫിക്കറ്റ്, 1,00,000/രൂപ അവാര്‍ഡ് തുക എന്നിവ ഉള്‍പ്പെടുന്നതാണ് വ്യക്തിഗത പുരസ്‌കാരം. മെഡല്‍, സര്‍ട്ടിഫിക്കറ്റ്, 3,00,000/രൂപ അവാര്‍ഡ് തുക എന്നിവ ഉള്‍പ്പെടുന്നതാണ് യുവജന സന്നദ്ധ സംഘടനകള്‍ക്കുള്ള പുരസ്‌കാരം
ദേശീയ യുവജന പുരസ്‌കാരം 2024-ലേക്കുള്ള നാമനിര്‍ദ്ദേശങ്ങള്‍ വേേു:െ//മംമൃറ.െഴീ്.ശി എന്ന പോര്‍ട്ടല്‍ വഴി ഓണ്‍ലൈനായി അപേക്ഷിക്കാം. അപേക്ഷ സമര്‍പ്പിക്കാനുള്ള അവസാന തീയതി 2025 സെപ്റ്റംബര്‍ 30 വരെ നീട്ടിയിട്ടുണ്ട്. വിശദമായ മാര്‍ഗ്ഗനിര്‍ദ്ദേശങ്ങളും യോഗ്യതാ മാനദണ്ഡങ്ങളും പോര്‍ട്ടലില്‍ ലഭ്യമാണ്.
ആരോഗ്യം, ഗവേഷണം, നൂതനാശയം, സംസ്‌കാരം, മനുഷ്യാവകാശ പ്രോത്സാഹനം, കല, സാഹിത്യം, ടൂറിസം, പരമ്പരാഗത വൈദ്യശാസ്ത്രം, സാമൂഹ്യ സേവനം, കായികം, അക്കാദമിക മികവ്, സ്മാര്‍ട്ട് ലേണിംഗ് തുടങ്ങിയ വിവിധ മേഖലകളില്‍ യുവാക്കള്‍ക്കായി വ്യത്യസ്തമായ വികസന, സാമൂഹിക സേവന പ്രവര്‍ത്തനങ്ങളിലൂടെ മികച്ച പ്രകടനം കാഴ്ചവച്ച വ്യക്തികള്‍/സംഘടനകള്‍ എന്നിവര്‍ 2025 സെപ്റ്റംബര്‍ 30-നകംhttps://awards.gov.in എന്ന പോര്‍ട്ടല്‍ വഴി നാമനിര്‍ദ്ദേശങ്ങള്‍ സമര്‍പ്പിക്കേണ്ടതാണ്.
