മസൂറി (യുഎസ്): ഗ്രാന്റ് ചെസ് ടൂറിന്റെ ഭാഗമായ സിന്ക്വിഫീല്ഡ് ചെസ്സില് നാലാം റൗണ്ട് അവസാനിച്ചപ്പോള് തോല്വിയറിഞ്ഞില്ലെങ്കിലും പ്രജ്ഞാനന്ദ രണ്ടാം സ്ഥാനത്ത്. ഇന്ത്യയുടെ ഗുകേഷാകട്ടെ മൂന്നാം സ്ഥാനത്തും. അമേരിക്കയുടെ ഫാബിയാനോ കരുവാനയാണ് മൂന്ന് പോയിന്റുകളോടെ ഒന്നാം സ്ഥാനത്ത്. ഉസ്ബെക്കിസ്ഥാന്റെ നോഡിര്ബെക് അബ്ദുസത്തൊറോവിനെ നാലാം റൗണ്ടില് തോല്പിച്ചതോടെയാണ് ഫാിയാനോ കരുവാന ഒന്നാം സ്ഥാനത്തേക്ക് ഉയര്ന്നത്.
അതേ സമയം ഗുകേഷിനെ തോല്പിക്കുകയും മറ്റ് മൂന്ന് കളികളില് സമനില പിടിക്കുകയും ചെയ്ത പ്രജ്ഞാനന്ദ മൂന്ന് പോയിന്റോടെ രണ്ടാം സ്ഥാനത്താണ്. നോഡിര്ബെക് അബ്ദുസത്തൊറോവും അമേരിക്കയുടെ യുവ ഗ്രാന്റ് മാസ്റ്റര് സാം സെവിയനുമായും പ്രജ്ഞാനന്ദ സമനിലയില് ആയി. പൊതുവേ ആക്രമിച്ചു കളിക്കുന്ന പതിവ് ശീലം മാറ്റിവെച്ച് സേഫ് ആയി, തോല്വികള് ഒഴിവാക്കി കളിക്കുകയാണ് പ്രജ്ഞാനന്ദ. പക്ഷെ ഇത് പ്രജ്ഞാനന്ദയുടെ സ്വാഭാവിക കേളിശൈലിയില് നിന്നും വ്യത്യസ്തമാണ്. അമേരിക്കയുടെ തന്നെ ലെവോണ് അരോണിയോനും രണ്ടാം സ്ഥാനത്തുണ്ട്.
ഒരു കളി തോല്ക്കുകയും ഒരു കളി ജയിക്കുകയും രണ്ട് കളികളില് സമനില വാങ്ങുകയും ചെയ്ത ഗുകേഷിന് രണ്ട് പോയിന്റേ ഉള്ളൂ. അമേരിക്കയുടെ വെസ്ലി സോ, അമേരിക്കയുടെ സാം സെവിയാന്, ഫ്രാന്സിന്റെ അലിറെസ ഫിറൂഷ എന്നിവരും രണ്ട് പോയിന്റുകള് വീതം മൂന്നാം സ്ഥാനത്താണ്.
പോളിഷ് ഗ്രാന്റ് മാസ്റ്റര് ജാന് ക്രിസ്റ്റോഫ് ഡൂഡ, നോഡിര്ബെക് അബ്ദുസത്തൊറോവ് എന്നിവര് യഥാക്രമം ഒന്നര പോയിന്റും അര പോയിന്റും മാത്രം നേടി അവസാനസ്ഥാനങ്ങളിലാണ്.
