മുംബൈ : നാഗ്പൂർ പോലീസ് വിവാദ മന്ത്രവാദി ഭോണ്ടു ബാബയെ അറസ്റ്റ് ചെയ്തു. മന്ത്രവാദത്തിലൂടെ എല്ലാ പ്രശ്നങ്ങളും പരിഹരിക്കുമെന്ന് അവകാശപ്പെട്ടിരുന്ന ഭോണ്ടു ബാബ മന്ത്രവാദത്തിന്റെ പേരിൽ സ്ത്രീകളുമായി അശ്ലീല പ്രവൃത്തികളിൽ ഏർപ്പെട്ടിരുന്നു.
ചായക്കടകളിൽ വെച്ച് ആളുകളുമായി പരിചയപ്പെടാറുണ്ടായിരുന്നു. ഭോണ്ടു ബാബ തന്റെ നഗ്നമായ വീഡിയോകൾ നിർമ്മിക്കുകയും അവ സ്ത്രീകളുമായി പങ്കുവെക്കുകയും ചെയ്തിരുന്നു. നാഗ്പൂരിലെ പഞ്ച്പോളി പോലീസ് സ്റ്റേഷനിൽ ഭോണ്ടു ബാബയ്ക്കെതിരെ കേസ് രജിസ്റ്റർ ചെയ്യുകയും അറസ്റ്റ് ചെയ്യുകയും ചെയ്തു.
ഭോണ്ടു ബാബയുടെ പേര് ഹബീബുള്ള മാലിക് എന്നാണ്. മാലിക്, മാമ എന്നീ പേരുകളിൽ ഇയാൾ സ്വയം പരിചയപ്പെടുത്താറുണ്ടായിരുന്നു. പ്രദേശത്തെ ഒരു ചായക്കടയിൽ പലപ്പോഴും ഇരിക്കുമായിരുന്നു. ആളുകൾ തങ്ങളെക്കുറിച്ച് ഇയാളോട് സംസാരിക്കാറുണ്ടായിരുന്നു, അവരുടെ പ്രശ്നങ്ങൾ പരിഹരിക്കാൻ താൻ മാന്ത്രികവിദ്യയിൽ വിദഗ്ദ്ധനാണെന്ന് ഇയാൾ അവരോട് പറയുമായിരുന്നു.
തന്ത്ര മന്ത്രങ്ങൾ ഉപയോഗിച്ച് മന്ത്രവാദം നടത്തുന്നതിനെക്കുറിച്ച് സംസാരിച്ചിരുന്ന ഭോണ്ടു ബാബ ഒരു സ്ത്രീയുടെ പരാതിയിലാണ് പിടിക്കപ്പെട്ടത്. കുടുംബ പ്രശ്നങ്ങൾ തന്നെ അലട്ടുന്നുണ്ടെന്ന് ഇരയായ സ്ത്രീ പരാതിപ്പെട്ടിരുന്നു. മന്ത്രവാദത്തിലൂടെ തന്റെ പ്രശ്നങ്ങളിൽ നിന്ന് മോചിപ്പിക്കാൻ വേണ്ടി ഭോണ്ടു ബാബ തന്നോട് അശ്ലീല കാര്യങ്ങൾ ചെയ്തു. രാത്രിയുടെ ഇരുട്ടിൽ മെഴുകുതിരികളും ദീപങ്ങളും മുറിയിൽ കത്തിച്ച് വച്ച ശേഷം ഭോണ്ടു ബാബ തന്റെ അശ്ലീല വീഡിയോ ചിത്രീകരിച്ച് സ്ത്രീക്ക് അയച്ചു കൊടുക്കുകയായിരുന്നു.
സംഭവത്തിന് ശേഷം നാഗ്പൂരിലെ പച്ച്പാവ്ലി പോലീസ് സ്റ്റേഷനിൽ ഭോണ്ടു ബാബയ്ക്കെതിരെ കേസ് രജിസ്റ്റർ ചെയ്യുകയും വിവിധ വകുപ്പുകൾ പ്രകാരം ഇയാളെ അറസ്റ്റ് ചെയ്യുകയും ചെയ്തു. മന്ത്രവാദത്തിന്റെ പേരിൽ ഈ ഭോണ്ടു ബാബ എത്ര സ്ത്രീകളെ കൂടി ഇരകളാക്കിയിട്ടുണ്ടെന്ന് പോലീസ് അന്വേഷിക്കുന്നുണ്ട്.
