മലപ്പുറം: പ്രസിദ്ധ നാടക നടനും സംവിധായകനുമായ
പുളിക്കത്തൊടിമന പി.എൻ. രാജൻ നമ്പൂതിരി (മണി,73) അന്മരിച്ചു. സംസ്‌കാരം ഇന്ന് വൈകിട്ട് നാലിന് ഇല്ലവളപ്പിൽ.
അഭിനേതാവും സംവിധായകനും ആയിരുന്നു.
കോഴിക്കോട് ചിരന്തന, കെപിഎസി, തൃശൂർ ദർശന എന്നീ സമിതികളിൽ വിവിധ നാടകങ്ങളിൽ വേഷങ്ങൾ ചെയ്തു. സിവിക് ചന്ദ്രന്റെ ‘നിങ്ങൾ ആരെ കമ്മ്യൂണിസ്റ്റ് ആക്കി’ എന്ന നാടകത്തിലെ പ്രധാന നടൻ ആയിരുന്നു മണി.
കേരള സംഗീതനാടക അക്കാദമിപുരസ്‌കാരം, പി.കെ. വിക്രമൻ നായർ പുരസ്‌കാരം, സംസ്ഥാന ഗവണ്മെന്റ് പുരസ്‌കാരം തുടങ്ങി നിരവധി സുപ്രധാന അംഗീകാരങ്ങൾ നേടിയ പ്രഗത്ഭ നടനായിരുന്നു.
ഭാര്യ: രമണി (റിട്ട. അദ്ധ്യാപിക)
മക്കൾ: രമ്യ (അഗ്രികൾച്ചർ ഡിപ്പാർട്ട്‌മെന്റ്), രാഗേഷ് (ബിസിനസ്സ്).
