മധുബനി: ബീഹാറിലെ ഷാപുരിൽ കുരങ്ങുകളുടെ ആക്രമണത്തിൽ രാംനാഥ് ചൗധരി എന്നയാൾ (67) കൊല്ലപ്പെട്ടു. കന്നുകാലികൾക്ക് തീറ്റ ശേഖരിക്കാൻ കാട്ടിൽ കയറിയപ്പോഴാണ് സംഭവം. ഇരുപതോളം കുരങ്ങുകളുടെ കൂട്ടമാണ് ആക്രമിച്ചത്.
പതിറ്റാണ്ടുമുമ്പ് പൂട്ടിപ്പോയ ലോഹത് പഞ്ചസാര മില്ലിലെ വിരമിച്ച ക്ലാർക്കായിരുന്നു രാംനാഥ് ചൗധരി. ആളുകൾ ഓടിക്കൂടി രക്ഷപ്പെടുത്താൻ ആശുപത്രിയിലെത്തിച്ചെങ്കിലും മധുബാനി സദർ ആശുപത്രിയിൽ ചൗധരി മരിച്ചതായി അറിയിച്ചു.
സംഭവം പ്രദേശത്ത് പരിഭ്രാന്തി സൃഷ്ടിച്ചു. പാണ്ഡുൽ സർക്കിൾ ഓഫീസർ പുരുഷോത്തം കുമാറും പോലീസ് സ്റ്റേഷൻ ഇൻ ചാർജ് എംഡി നദീമും സ്ഥലത്തെത്തി. കുരങ്ങുകളെ പിടികൂടാൻ വനം വകുപ്പിനോട് ആവശ്യപ്പെട്ടതായി ഗ്രാമ മുഖ്യൻ രാംകുമാർ യാദവ് അറിയിച്ചു.
