കൊച്ചി:അമ്മൂമ്മയുടെ ആണ്സുഹൃത്ത് ലഹരിക്കടിമയാക്കാന് ശ്രമിച്ചെന്ന് ചെറുമകന്റെ വെളിപ്പെടുത്തല്.കഴുത്തില് കത്തിവച്ച് കഞ്ചാവും മദ്യവും നല്കിയപ്പോള് താന് എതിര്ത്തെന്ന് 14കാരന് പറഞ്ഞു. എന്നാല് അയാള് തന്നെ മര്ദിച്ചു.
കഞ്ചാവ് കടത്താന് തന്നെ ഉപയോഗിച്ചുവെന്നും വിദ്യാര്ഥി പറഞ്ഞു.നിരവധി പ്രാവശ്യം കഞ്ചാവ് വലിപ്പിക്കുകയും മദ്യം കുടിപ്പിക്കുകയും ചെയ്തു. വിമ്മതിച്ചപ്പോള് മുഖത്ത് തല്ലി. നോര്ത്തില് നിന്നും വരാപ്പുഴ വരെ സ്കൂട്ടര് ഓടിപ്പിച്ചു. ഒരു പൊതി കൈവശം തന്നു. വീട്ടിലെത്തിയപ്പോഴാണ് അത് കഞ്ചാവാണെന്ന് മനസിലായത്. കഞ്ചാവും ഹാഷിഷ് ഓയിലും വീട്ടില് സൂക്ഷിക്കുന്നുണ്ട്.മുതിര്ന്നവര്ക്കും വലിയ ചേട്ടന്മാര്ക്കും ഇത് കൊടുക്കുന്നുണ്ട്.
അമ്മൂമ്മയുടെ ആണ്സുഹൃത്ത് കടും പച്ച ഓയില് ഉപയോഗിക്കുന്നുണ്ട്. കഴിഞ്ഞിടയ്ക്കാണ് ഇയാള് വീട്ടില് വന്ന് താമസം തുടങ്ങിയതെന്നും 14 കാരന് പറഞ്ഞു.സഹിക്കാവുന്ന പരിധി കടന്നപ്പോള് സ്കൂളിലെ സുഹൃത്തിനോട് വിവരം പറഞ്ഞു. സുഹൃത്തിന്റെ അമ്മയാണ് ഇക്കാര്യം കുട്ടിയുടെ അമ്മയെ അറിയിച്ചത്.
വിവരം അറിഞ്ഞപ്പോള് താന് സ്തബധയായിപ്പോയെന്ന് കുട്ടിയുടെ അമ്മ പറഞ്ഞു. തന്നെയും മകനേയും ജീവിക്കാന് അനുവദിക്കില്ലെന്ന് ഇയാള് പറഞ്ഞതോടെ പൊലീസില് പരാതിപ്പെട്ടെങ്കിലും ഫലമുണ്ടായില്ല. പിന്നീട് സിറ്റി പൊലീസ് കമ്മീഷണര്ക്ക് പരാതി നല്കി. കുട്ടി വീട്ടില് സാധനങ്ങള് വലിച്ചെറിയുകയും ദേഷ്യം പ്രകടിപ്പിക്കുകയും ചെയ്യുമായിരുന്നുവെന്ന് അമ്മ പറയുന്നു. ലഹരി ഉപയോഗിച്ചതാണ് കാരണമെന്ന് പിന്നീട് മനസിലായി.കുട്ടിയെ ലഹരി മുക്തിക്കായുള്ള ചികിത്സയ്ക്കു വിധേയനാക്കി. കൗണ്സലിംഗ് നടത്തുന്നുന്നുണ്ടെന്നും അമ്മ പറഞ്ഞു.പൊലീസ് വിളിപ്പിച്ചതോടെ അമ്മൂമ്മയും കാമുകനും ഒളിവില് പോയി. ഇവരെ കണ്ടെത്താന് പൊലീസ് ശ്രമം ഊര്ജിതമാക്കിയിട്ടുണ്ട്.
