തിരുവനന്തപുരം:സംസ്ഥാനത്ത് ഷവര്മ വില്ക്കുന്ന സ്ഥാപനങ്ങള് മാനദണ്ഡങ്ങള് പാലിക്കുന്നുണ്ടോ എന്ന് അറിയുന്നതിനായി ഭക്ഷ്യസുരക്ഷാ വകുപ്പ് 1557 പ്രത്യേക പരിശോധനകള് നടത്തിയെന്ന് ആരോഗ്യമന്ത്രി വീണാ ജോര്ജ്.കഴിഞ്ഞ ദിവസങ്ങളിലായിരുന്നു പരിശോധന.
59 സ്ക്വാഡുകള് പരിശോധനകള് നടത്തി. 256 സ്ഥാപനങ്ങള്ക്ക് പരിഹരിക്കണമെന്ന നോട്ടീസും 263 സ്ഥാപനങ്ങള്ക്ക് കോമ്പൗണ്ടിംഗ് നോട്ടീസും നല്കി.
വീഴ്ചകള് കണ്ടതിനെ തുടര്ന്ന് 45 സ്ഥാപനങ്ങളുടെ പ്രവര്ത്തനം നിര്ത്തിവയ്പ്പിച്ചു. ഷവര്മ വില്ക്കുന്ന സ്ഥാപനങ്ങള് സര്ക്കാര് നിര്ദേശം കര്ശനമായി പാലിച്ചില്ലെങ്കില് കര്ശന നടപടികള് സ്വീകരിക്കുമെന്ന് മന്ത്രി പറഞ്ഞു.
