കൊച്ചി: സംസ്ഥാനത്ത് റെക്കോര്ഡ് തിരുത്തി സ്വര്ണവിലയുടെ കുതിപ്പ് തുടരുന്നു. ഇന്ന് ഒറ്റയടിക്ക് 560 രൂപ വര്ധിച്ചതോടെയാണ് ഇന്നലത്തെ റെക്കോര്ഡ് വിലയായ 75,200 മറികടന്ന് സ്വര്ണവില പുതിയ ഉയരം കുറിച്ചത്. ഗ്രാമിന് 70 രൂപയും പവന 560 രൂപയുടെയും വർദ്ധനവാണ് ഉണ്ടായത്. 9470 രൂപ ഗ്രാമിനും 75760 രൂപ പവനും വിലയായി.
ഇന്ന് രാവിലെ അന്താരാഷ്ട്ര സ്വർണ്ണവില 3382 ഡോളറിൽ ആയിരുന്നു. ബോർഡറേറ്റ് നിശ്ചയിക്കുന്ന സമയത്ത് 3396 ഡോളറിലേക്ക് അന്താരാഷ്ട്ര വില മാറിയതാണ് വിലവർധന ഉണ്ടായത്. രൂപയുടെ വിനിമയ നിരക്ക് 87.68 ലാണ്.
വൻകിട നിക്ഷേപകർ ഒരു ഷോർട്ട് കവറിങ് നടത്തിയിട്ടില്ലെങ്കിൽ വില വീണ്ടും ഉയരാൻ ആണ് സാധ്യത. 18,14,9 കാരറ്റ് സ്വർണങ്ങൾക്കും അനുപാതികമായി വില വർധന ഉണ്ടായിട്ടുണ്ട്. 38.20 ഡോളറിലേക്ക് വർദ്ധിച്ചിട്ടുണ്ട്. ആഭ്യന്തര വില 125 രൂപയിലേക്ക് എത്തി.
കഴിഞ്ഞ മാസം 23ന് 75000 കടന്ന് റെക്കോര്ഡ് ഇട്ട സ്വര്ണവില പിന്നീടുള്ള ദിവസങ്ങളില് താഴുന്ന കാഴ്ചയാണ് ദൃശ്യമായത്. 74000ല് താഴെ പോയ സ്വര്ണവില കഴിഞ്ഞ ദിവസം മുതലാണ് വീണ്ടും ഉയരാന് തുടങ്ങിയത്.
