കൊല്ലം: ലഹരി മരുന്നു കേസില്‍ പിടിയിലായ പ്രതി പൊലീസ് സ്‌റ്റേഷനിലെ നടപടിക്രമങ്ങള്‍ക്കിടെ ഭാര്യയുടെ സ്‌കൂട്ടറില്‍ കയറി രക്ഷപ്പെട്ടു. ലഹരി മരുന്നു കേസില്‍ കരുതല്‍ തടങ്കലിലാക്കാനായി പിടികൂടി കൊല്ലം കിളികൊല്ലൂര്‍ സ്‌റ്റേഷനിലെത്തിച്ച അജു മന്‍സൂര്‍ എന്ന പ്രതിയാണ് ബന്ധപ്പെട്ട ഫോമുകളില്‍ ഒപ്പിടുവിക്കുന്നതിനിടെ പുറത്തേക്കിറങ്ങി ഓടിയത്. പൊലീസുകാര്‍ക്ക് തടഞ്ഞുവയ്‌ക്കാന്‍ കഴിയുംമുന്‍പ് ഇയാള്‍ സ്‌റ്റേഷനു പുറത്ത് കാത്തുനിന്ന ഭാര്യ ബിന്‍സിയുടെ സ്‌കൂട്ടറില്‍ കയറി രക്ഷപ്പെട്ടു. ബിന്‍സിയും മറ്റൊരു ലഹരി മരുന്നു കേസില്‍ നേരത്തെ പിടിയിലായിട്ടണ്ട്. ഇരുവര്‍ക്കുമായി അന്വേഷണം തുടരുകയാണ് പൊലീസ് .
