ന്യൂദല്ഹി: രാഹുല് ഗാന്ധി എല്ഒപി അല്ലെന്നും വെറും എല്ഒബി ആണെന്നും ബിജെപി എംപി അനുരാഗ് താക്കൂറിന്റെ പരിഹാസം. എല്ഒപി എന്നാല് ലീഡര് ഓഫ് ഒപ്പോസിഷന് അഥവാ പ്രതിപക്ഷ നേതാവ്. പക്ഷെ രാഹുല് ഗാന്ധി പ്രതിപക്ഷ നേതാവ് അല്ല.- അനുരാഗ് താക്കൂര് ലോക്സഭയില് അഭിപ്രായപ്പെട്ടു.
രാഹുല് ഗാന്ധി വെറും എല്ഒബി ആണെന്ന അനുരാഗ് താക്കൂറിന്റെ അഭിപ്രായപ്രകടനത്തോട് സംശയം പ്രകടിപ്പിച്ച കേന്ദ്രമന്ത്രി കിരണ് റിജിജു ചോദിച്ചു: “എന്താണ് ഈ എല്ഒബി?”. ഉടന് വിശദീകരണവുമായി അനുരാഗ് താക്കൂര് എത്തി.
“എല്ഒബി എന്നാല് ലീഡര് ഒപ്പോസിങ്ങ് ഭാരത്. അതായത്, ഭാരതത്തെ എതിര്ക്കുന്ന നേതാവ്. ഈ രാജ്യത്തെ സൈന്യത്തെ, രാജ്യത്തെ, പ്രധാനമന്ത്രിയെ എതിര്ക്കുകയാണ് രാഹുല് ഗാന്ധിയുടെ അജണ്ട. “- അനുരാഗ് താക്കൂര് പറഞ്ഞു.
ഒരൊറ്റ പ്രതിപക്ഷ എംപിമാര് പോലും പഹല് ഗാം ആക്രമണത്തെ അപലപിച്ചില്ല. മതം ചോദിച്ചാണ് പാക് തീവ്രവാദികള് ടൂറിസ്റ്റുകളെ വെടിവെച്ചത്. കലിമ ചൊല്ലാന് അറിയാത്തവരെ വെടിവെച്ച് കൊന്നു. പാകിസ്ഥാന് ആര്മിയും സര്ക്കാരും ലഷ്കര്- ഇ-രാഹുലിന്റെ പ്രസ്താവനകളാണ് അവരെ ന്യായീകരിക്കാന് ഉപയോഗിച്ചത്. ഇന്ത്യന് നാഷണല് കോണ്ഗ്രസ് എന്നത് ഇസ്ലാമബാദ് നാഷണല് കോണ്ഗ്രസ് ആയി മാറിയെന്നും അനുരാഗ് താക്കൂര് വിമര്ശിച്ചു.
