കൊല്ക്കൊത്ത: ബംഗാള് വോട്ടെടുപ്പിന് തലേനാള് മത്സ്യം കഴിച്ച് ബിജെപി നേതാവ് അനുരാഗ് താക്കൂര്. ബിജെപിക്കാര് അധികാരത്തില് വന്നാല് മത്സ്യം നിരോധിക്കുമെന്ന മമതയുടെ പ്രചാരണത്തിന് തിരിച്ചടികൊടുക്കുകയായിരുന്നു അനുരാഗ് താക്കൂര്.
മത്സ്യവും മുട്ടയും കഴിക്കുന്നത് ബിജെപിക്കാര് നിരോധിക്കുമെന്നും മമത വിമര്ശിച്ചിരുന്നു. എന്നാല് മമതയുടെ വാക്കുകള് പൊള്ളയാണെന്ന് കാണിക്കാന് അനുരാഗ് താക്കൂറും കൂട്ടരും പരസ്യമായി മത്സ്യം കഴിക്കുകയായിരുന്നു.”ഞങ്ങള് മത്സ്യവും ചോറും കഴിക്കുന്നവരാണ്.”- പിന്നീട് നടത്തിയ വാര്ത്താസമ്മേളനത്തില് അനുരാഗ് താക്കൂര് വിശദമാക്കി.
“ബിജെപിയ്ക്ക് 16 സംസ്ഥാനങ്ങളില് ഭരണമുണ്ട്. എന്ഡിഎയ്ക്കാകട്ടെ 20 സംസ്ഥാനങ്ങളില് ഭരണമുണ്ട്. ഇവിടെയൊന്നും ആരുടെയും ഭക്ഷണമോ ഭാഷയോ ആചാരങ്ങളോ ബിജെപി നിരോധിച്ചിട്ടില്ല”- അനുരാഗ് താക്കൂര് പറഞ്ഞു.
