മോസ്കോ: റഷ്യയിൽ ശക്തമായ ഭൂകമ്പം. റഷ്യയിലെ പസഫിക് തീരത്താണ് ഭൂകമ്പം ഉണ്ടായത്. ഭൂകമ്പത്തിന്റെ തീവ്രത റിക്ടർ സ്കെയിലിൽ 7.4 ആയി രേഖപ്പെടുത്തി. ഭൂകമ്പത്തിന് ശേഷം സുനാമി മുന്നറിയിപ്പും പുറപ്പെടുവിച്ചിട്ടുണ്ട്. ഈ ഭൂകമ്പത്തിന് ശേഷം റഷ്യയിലെ കാംചത്ക ഉപദ്വീപിൽ സുനാമി മുന്നറിയിപ്പും നൽകിയിട്ടുണ്ട്.
ഞായറാഴ്ച കടലിൽ രണ്ട് ഭൂകമ്പങ്ങളാണ് ഉണ്ടായത്. ഇതിൽ ഏറ്റവും വലിയ ഭൂകമ്പം 7.4 തീവ്രത രേഖപ്പെടുത്തിയതാണ്. പെട്രോപാവ്ലോവ്സ്ക്-കാംചത്സ്കി നഗരത്തിന് 144 കിലോമീറ്റർ കിഴക്കായി 20 കിലോമീറ്റർ താഴ്ചയിലാണ് ഈ വലിയ ഭൂകമ്പം ഉണ്ടായത്. ഈ നഗരത്തിലെ ജനസംഖ്യ ഏകദേശം 1.8 ലക്ഷമാണ്. ഇതിന് ഏതാനും മിനിറ്റുകൾക്ക് മുമ്പ് അതേ പ്രദേശത്ത് 6.7 തീവ്രത രേഖപ്പെടുത്തിയ മറ്റൊരു ഭൂകമ്പവും രേഖപ്പെടുത്തിയിരുന്നു.
അതേ സമയം റഷ്യയുടെ ഫാർ ഈസ്റ്റിലെ കാംചത്ക തീരത്ത് ഞായറാഴ്ച പുലർച്ചെ 6.5 ൽ കൂടുതൽ തീവ്രതയുള്ള രണ്ട് ഭൂകമ്പങ്ങൾ ഉണ്ടായതായി ജർമ്മൻ ജിയോളജിക്കൽ റിസർച്ച് സെന്ററും സൂചിപ്പിച്ചു. രണ്ടിന്റെയും പ്രഭവകേന്ദ്രത്തിന്റെ ആഴം 10 കിലോമീറ്ററായിരുന്നു.
